fbpx

ثمینہ پیرزادہ کا گونگا سائیں کے انتقال پرشدید افسوس کا اظہار

پاکستان شوبز انڈسٹری کی سینئر اداکارہ و میزبان ثمینہ پیرزادہ نے عالمی شہرت یافتہ ڈھولچی گونگا سائیں کے انتقال پر افسوس کا اظہار کیا ہے۔

باغی ٹی وی : اداکارہ ثمینہ پیرزادہ نے سماجی رابطے کی ویب سائٹ ٹوئٹر پر جاری کیے گئے اپنے پیغام میں معروف ڈھولچی گونگا سائیں کے انتقال پر افسوس کا اظہار کیا اور ان کی بخشش کی دعا کی-


اداکارہ نے کہا کہ ’گونگا سائیں کے ڈھول کی آواز ہر اس دل میں گونج اُٹھے گی جسے اُنہوں نے اپنی مسکراہٹ اور فن سے چُھوا تھا۔

واضح رہے کہ عالمی سطح پر شہرت رکھنے والے معروف ڈھولچی گونگا سائیں گزشتہ روز حرکتِ قلب بند ہونے کی وجہ سے لاہور میں انتقال کرگئے۔

گونگا سائیں کی وجہ شہرت صوفی طرز کے ڈھول کی تھاپ پر دیوانہ وار رقص تھا۔ یہ رقص وہ خود ہی ڈھول بجاتے ہوئے کرتے اور ان کا یہ لازوال مظاہرہ ہر جمعرات کو شاہ جمال کے مزار پر سینکڑوں لوگ دیکھنے آتے تھےاس فن میں مہارت پر حال ہی میں گونگا سائیں اور پپو سائیں کو بی بی سی کے عالمی مقابلے میں بہترین جنوبی ایشیائی موسیقی کا انعام بھی دیا گیا ہے-

گونگا سائیں اور پپو سائیں نے اپنے اس طرز موسیقی و رقص کو نہایت کامیابی سے یورپ میں جرمنی، سوئٹزرلینڈ اور برطانیہ کے صوفی حلقوں میں روشناس کرایا ۔ وہ تقریباً تمام مسلم ممالک اور امریکہ میں اپنے فن کا مظاہرہ کر چکے ہیں۔

عالمی شہرت یافتہ ڈھولچی گونگا سائیں انتقال کر گئے

جواب چھوڑیں

آپ کا ای میل ایڈریس شائع نہیں کیا جائے گا.