سام سنگ سستا ترین 5 جی اسمارٹ فون متعارف کرانے کے لیے تیار

اسمارٹ فون کمپنی سام سنگ اپنا سستا ترین 5 جی اسمارٹ فون گلیکسی ایم 42 متعارف کرانے کے لیے تیار ہے۔

باغی ٹی وی : سام سنگ کمپنی اپنا گلیکسی اے 52 اور اے 72 کے فائیو جی ماڈلز متعراف کرانے کے بعد اب اپنا سستا ترین 5 جی اسمارٹ فون گلیکسی ایم 42 اپریل کے آخر میں متعارف کرارہی ہے یہ فون 28 اپریل کو سب سے پہلے بھارت میں پیش کیا جائے گا۔

ایم سیریز کے اس فون میں امولیڈ ڈسپلے دیئے جانے کا امکان ہے جس میں فنگرپرنٹ اسکینر اسکرین کے اندر نصب ہوگا۔

فون میں اسنیپ ڈراگون 750 جی پراسیسر موجود ہوگا جبکہ امکان ہے کہ اس میں 4 جی بی ریم اور 64 جی بی اسٹوریج دیا جائے گا جس میں ایس ڈی کارڈ سے مزید اضافہ کیا جاسکے گا۔

فون کے بیک پر 4 کیمروں کا سیٹ اپ ہوگا جس میں مین کیمرا 64 میگا پکسل ہوسکتا ہے ،ایک الٹرا وائیڈ، ایک میکرو اور ایک ڈیتھ سنسنگ کیمرا ہوگا، جبکہ اینڈرائیڈ 11 کا امتزاج ون یو آئی 3.1 سے کیا جائے گا۔

فون میں 6000 ایم اے ایچ کی طاقتور بیٹری موجود ہوگی تاہم فاسٹ چارجنگ سپورٹ کتنی ہوگی ابھی کچھ کہنا قبل از وقت ہے۔

اندازے کے مطابق اس فون کی بھارتی روپے میں 20 سے 25 ہزار ($270-335) پاکستانی روپے کے مطابق قیمت 40 سے 50 ہزار روپے ہوسکتی ہے جس کا انحصار ریم اور اسٹوریج پر ہوگا۔

فوٹو بشکریہ گز چائنہ