امریکی صدر ڈونلڈ ٹرمپ کی انتظامیہ نے بین الاقوامی فوجداری عدالت (آئی سی سی) کے 2 ججوں اور 2 پراسیکیوٹرز پر پابندیاں لگا دی ہیں۔
خبر رساں ادارے کے مطابق یہ اقدام اسرائیلی رہنماؤں کو نشانہ بنانے اور امریکی اہلکاروں کے خلاف تحقیقات کے فیصلے کے بعد کیا گیا ہے۔امریکی وزیر خارجہ مارکو روبیو نے عدالت کو قومی سلامتی کے لیے خطرہ قرار دیتے ہوئے کہا کہ آئی سی سی امریکا اور اسرائیل کے خلاف قانونی جنگ کا ہتھیار رہا ہے۔انہوں نے مزید کہا کہ سیاسی بنیادوں پر کارروائیاں، طاقت کا غلط استعمال اور عدالتی تجاوزات ناقابلِ قبول ہیں۔
پابندیوں کا نشانہ بننے والے اہلکارامریکا اور اسرائیل سے متعلقہ مقدمات میں شامل رہے ہیں۔
یہ دوسری مرتبہ ہے کہ ٹرمپ انتظامیہ نے آئی سی سی اہلکاروں پر پابندیاں لگائی ہیں۔3 ماہ قبل بھی 4 ججز کو نشانہ بنایا گیا تھا۔ماہرین کے مطابق یہ اقدام عدالت اور پراسیکیوٹرز کے دفتر کے کام کو متاثر کرے گا، خاص طور پر بڑے مقدمات جیسے یوکرین پر روسی حملے کے دوران مبینہ جنگی جرائم کی تحقیقات۔
کراچی میں طوفانی بارشیں، حادثات میں 17 افراد جاں بحق
