محکمہ آبپاشی نے سانحہ سوات سے متعلق رپورٹ تیار کر لی

پشاور، محکمہ آبپاشی نے سانحہ سوات سے متعلق رپورٹ تیار کر لی
27جون کو دریائے سوات میں پانی کابہاؤ 77ہزار782 کیوسک ہو ا ، رپورٹ کےمطابق سیلابی ریلے سے متعلق 27جون کی صبح 8بجکر 41منٹ پر وارننگ جاری کی ، سیلابی ریلے سے متعلق ڈی سی سوات، چارسدہ اور نوشہرہ کو بھی اطلاع دی گئی تھی، واٹس ایپ پر حکام کو دریا سوات میں پانی کے بہاؤ کی مسلسل اپڈیٹس دیتے رہے ،محکمہ آبپاشی کی جانب سے واقعے کے روز ساڑھے 10بجے سیلابی انتباہ جاری کیا گیا ڈی سی سوات، پی ڈی ایم اے اور اے ڈی سی ریلیف کو بار بار الرٹس بھیجے گئے، ریکارڈ سے واضح ہے کہ محکمہ آبپاشی نے بروقت ایمرجنسی کی اطلاع دی، سیاح دریائے سوات میں پانی کے بہاؤ میں اضافے کی وجہ سے پھنس گئے ،

محکمہ آبپاشی نے سیاحتی علاقوں میں داخلہ محدود کرنے اور ہوٹل مالکان کو پابند بنانے کی سفارش کی، رپورٹ میں مقامی انتظامیہ کو سیاحوں کو محفوظ مقام تک محدود رکھنے کیلئے پالیسی بنانے کی تجویز دی گئی ہے،مدین اور کالام میں اضافی گیجز لگانے کی بھی سفارش کی گئی،