سارہ خان نے فلک کا پرپوزل کیوں ریجیکٹ کیا تھا؟

0
41

شوبز انڈسٹری سے تعلق رکھنے والی معروف اداکارہ سارہ خان نے انکشاف کیا ہے کہ انہوں نےگلوکار فلک شبیر کا پرپوزل ریجیکٹ کر دیا تھا کیوں کہ وہ اپنے والدین کی رضامندی سے شادی کرنا چاہتی تھیں۔

پاکستان کی معروف اداکارہ سارہ خان نے گزشتہ سال فلک شبیر سے شادی کی تھی۔ ان کی شادی کی تقریبات سوشل میڈیا پر گردش کرتی رہیں تھی، جسے صارفین کی جانب سے خوب پسند کیا گیا اور نیک خواہشات کا اظہار کیا گیا تھا۔

حال ہی میں برطانوی نشریاتی ادارے کو دیے گئے انٹرویو میں سارہ خان سے ان کی شادی سے پہلے کے معالات پر بات کی گئی ہے۔ اداکارہ کا کہنا تھا کہ ان کی اور فلک کی شادی ایسی ہی تھی جیسا کہ ہمارے پاکستانی گھرانوں میں کی جاتی ہے۔ شادی سے قبل نہ فلک شبیر سے کبھی ملاقات ہوئی تھی اور نہ ہی کوئی بات چیت تھی اور ہماری شادی ایک سادہ سی شادی تھی۔

فلک اور سارہ کی ملاقات لاہور میں ایک برائڈل فیشن ویک کے دوران ہوئی تھی جہاں فلک نے انھیں شادی کی پیشکش کی تھی اس وقت تو میں نے نہ کر دی لیکن پھر فلک سارہ کے والد کے پاس ان کا ہاتھ مانگنے پہنچ گئے۔

سارہ نے کہا کہ میری شادی کسی بھی عام گھر کی لڑکی جیسی ہی تھی کیونکہ یہ میرے ابو کی پسند تھی۔ وہ کہتی ہیں کہ مجھے منانے میں بھی میرے والد کا اہم کردار تھا اور پھر والدین ہمیشہ آپ کے لیے اچھا ہی سوچتے ہیں اور ماشاءاللہ میں فلک کے ساتھ بہت خوش ہوں اور فلک بہت اچھے ہیں-

سارہ خان کا کہنا تھا کہ وہ فلک کے ساتھ بہت خوش ہیں اور جس دن انہیں فلک پھول نہ دیں تو لگتا ہے دن نامکمل ہے۔

جس دن فلک پھول نہیں دیتے میرا دن نہیں گزرتا سارہ خان

Leave a reply