وزیر اعلیٰ بلوچستان سرفراز بگٹی نے امریکی انتظامیہ کی جانب سے کالعدم بلوچستان لبریشن آرمی (بی ایل اے) اور مجید بریگیڈ کو دہشت گرد تنظیم قرار دینے کے فیصلے کو سراہتے ہوئے کہا ہے کہ وفاقی حکومت اور فیلڈ مارشل عاصم منیر نے پاکستان کا مؤقف مؤثر انداز میں پیش کیا۔
سماجی رابطے کی ویب سائٹ ’ایکس‘ پر اپنے بیان میں سرفراز بگٹی نے کہا کہ کالعدم بی ایل اے اور مجید بریگیڈ طویل عرصے سے نسلی و لسانی حقوق کے جھوٹے پردے تلے معصوم شہریوں کا قتل عام کر رہے تھے۔ انہوں نے واضح کیا کہ دہشت گردی کسی بھی صورت قابلِ قبول نہیں اور کوئی بھی مقصد بے گناہ شہریوں کے قتل کو جائز نہیں ٹھہرا سکتا۔وزیر اعلیٰ بلوچستان نے عالمی برادری پر زور دیا کہ دہشت گردی کے ناسور کے خاتمے کے لیے متحد ہوکر اقدامات کیے جائیں۔
ادھر وزیر مملکت برائے داخلہ سینیٹر طلال چوہدری نے کہا ہے کہ دہشت گردی کے خلاف جنگ میں پاکستان کامیابی حاصل کر رہا ہے اور امریکی فیصلہ پاکستان کی کامیاب سفارت کاری کا ثمر ہے۔ ان کا کہنا تھا کہ جلد کالعدم تنظیموں کے سہولت کار بھی دہشت گردوں کی فہرست میں شامل کیے جائیں گے۔
واضح رہے کہ امریکی محکمہ خارجہ نے حال ہی میں کالعدم بلوچستان لبریشن آرمی (بی ایل اے) اور اس کے ذیلی گروپ مجید بریگیڈ کو غیر ملکی دہشت گرد تنظیم قرار دیا ہے۔
امریکہ نے بی ایل اے اور مجید بریگیڈ دہشتگرد قرار دے دیا
غزہ، انس الشریف اور چار صحافیوں کی شہادت، عالمی برادری کی مذمت
امریکی صدر ٹرمپ سے ملاقات، انٹیل سی ای او ٰ کی استعفیٰ ٹالنے کی کوشش
قومی اسمبلی،اقلیتوں کے قومی دن پر قرارداد متفقہ طور پر منظور
