اسلام آباد: نیشنل سائبر کرائم انویسٹی گیشن ایجنسی (این سی سی آئی اے) نے واٹس ایپ صارفین کو خبردار کر دیا-
این سی سی آئی اے کی ایڈوائزری میں کہا گیا ہے کہ ہ اگر اکاؤنٹ تک رسائی ختم ہو جائے یا شبہ ہو کہ کوئی اور واٹس ایپ استعمال کر رہا ہے تو فوری طور پر اپنا اکاؤنٹ دوبارہ رجسٹر کریں،ہیکنگ کی صورت میں سب سے پہلے واٹس ایپ کو ان انسٹال کریں اور دوبارہ انسٹال کر کے اپنا فون نمبر درج کریں اس کے بعد ایس ایم ایس کے ذریعے موصول ہونے والا 6 ہندسوں والا کوڈ فوری طور پر درج کریں،کوڈ درج کرتے ہی واٹس ایپ ہیکر کے موبائل سے خود بخود لاگ آؤٹ ہو جائے گا، کیونکہ ایک وقت میں واٹس ایپ صرف ایک موبائل پر فعال رہ سکتا ہے۔
آسٹریلوی وزیراعظم کی سڈنی حملے کی شدید الفاظ میں مذمت
ایجسنی کے مطابق اگر ہیکر نے ٹو اسٹیپ ویری فکیشن آن کر رکھی ہو اور پن معلوم نہ ہو تو واٹس ایپ 7 دن انتظار کا کہہ سکتا ہے تاہم اس دوران صارفین کو گھبرانے کی ضرورت نہیں،انتظار کے دوران کوئی بھی اکاؤنٹ استعمال نہیں کر سکتا اور نہ ہی پیغامات پڑھ سکتا ہے اس لیے صارفین محفوظ رہیں گے این سی سی آئی اے نے صارفین کو ہدایت کی ہے کہ مشکوک سرگرمی کی صورت میں فوری ہدایات پر عمل کریں تاکہ ممکنہ نقصان سے بچا جا سکے۔
سڈنی فائرنگ:پاکستانی مسلمانوں کو بدنام کرنے کیلئے موساد-را گٹھ جوڑ کی ایک منصوبہ بند سازش؟
