سلطانز کیخلاف میچ میں سرپر گیند لگنے سے زخمی سرفراز کی رپورٹس آ گئیں

ملتان: کوئٹہ گلیڈی ایٹرز کے وکٹ کیپر بلے باز سرفراز احمد ملتان سلطانز کیخلاف میچ میں سرپر گیند لگنے سے زخمی ہوگئے تھے،کرکٹر کی رپورٹس کے حوالے سے بیان سامنے آیا ہے-

باغی ٹی وی: آج ملتان سلطانز کے ساتھ ہونے والے ایچ بی ایل پی ایس ایل کےگیارہویں میچ کے دوران آخری اوور میں کوئٹہ گلیڈی ایٹرز کے وکٹ کیپر سرفراز احمد کے سر پر گیند لگ گئی تھی، وسیم جونیئر نے باؤنڈری پر کیچ لےکر بال تھرو کی تھی جو سرفراز احمد کے سر پر لگی، جس کے بعد سرفراز احمدگراؤنڈ سے باہر چلےگئے-

سرفراز احمدکی جگہ آخری دو گیندوں پر سجاد علی جونیئر نے وکٹ کیپنگ کی،جبکہ سرفراز کی جگہ بیٹنگ بھی انہوں نے کی، سجاد نے بلے کے ساتھ کریز پر مختصر قیام کیا اور صرف 2 رنز بنانے کے بعد اسامہ میر کے ہاتھوں آؤٹ ہوگئے،سرفراز احمد کو فوری طبی امداد کے بعد سی ٹی اسکین کے لیے اسپتال لے جایا گیا جہاں ڈاکٹرز کی جانب سے انکا تفصیلی معائنہ کیا گیا-

پی ایس ایل 9:پشاور زلمی کا لاہور قلندرز کو جیت کیلئے 212 رنز کا …

کوئٹہ گلیڈی ایٹرز کے منیجر اعظم خان نے بتایا ہےکہ سرفراز احمدکی تمام رپورٹس کلیئر آئی ہیں، خطرے کی کوئی بات نہیں، ان کی طبیعت بتدریج بہتر ہو رہی ہے،سرفراز احمد کو سفر کی اجازت بھی مل گئی ہے، وہ ملتان سے ٹیم کے ہمراہ کراچی جارہے ہیں، کراچی میں ہونے والے اگلے میچ میں سرفراز کی دستیابی کے حوالے سے اپ ڈیٹ کردیا جائےگا۔

ملتان سلطانز نے کوئٹہ گلیڈی ایٹرز کو 13 رنز سے شکست دیدی