ڈاکٹرغلام مصطفی بڈانی
سرگودھا ،باغی ٹی وی(ملک شاہنواز جالپ) کمشنر سرگودھا ڈویژن جہانزیب اعوان کی زیر صدارت اجلاس میں 47 پل فلائی اوور اور قینچی موڑ سے ملت آباد پل تک دو رویہ سڑک کی تعمیر کے حوالے سے بریفنگ دی گئی۔
اجلاس میں ڈپٹی کمشنر کیپٹن (ر) محمد وسیم، ایس ای ہائی ویز رانا عابد علی سمیت متعلقہ محکموں کے افسران شریک تھے۔ بریفنگ میں بتایا گیا کہ 47 پل فلائی اوور کی کارپیٹنگ مکمل ہو چکی ہے، جبکہ لنٹر کے جوڑ ایک ہفتے میں مکمل کر لیے جائیں گے، اور فلائی اوور کو 10 مارچ تک ٹریفک کے لیے کھول دیا جائے گا۔
اجلاس میں فلائی اوور کے سروس روڈز، یوٹرن، فٹ پاتھ، پارکنگ ایریاز اور گرین بیلٹ کی تعمیر پر بھی غور کیا گیا، جبکہ پی ٹی سی ایل، فیسکو، سوئی گیس، سمال انڈسٹری اور سیوریج لائن کی منتقلی کی ٹائم لائنز پر بھی تبادلہ خیال ہوا۔
کمشنر جہانزیب اعوان نے منصوبوں کو جلد مکمل کرنے کی ہدایت دیتے ہوئے تمام متعلقہ اداروں کو باہمی تعاون سے کام کرنے پر زور دیا تاکہ عوام کو جلد از جلد سہولت میسر آسکے۔
