سرگودھا ،باغی ٹی وی( ملک شاہنواز جالپ) ڈویژنل صدر مسلم لیگ (ن) سرگودھا حاجی شاہنواز رانجھا کی زیر صدارت سٹی باڈی مسلم لیگ (ن) اور امیدوار برائے کونسلر میونسپل کمیٹی کوٹ مومن کی اہم میٹنگ دفتر میونسپل کمیٹی سالم روڈ پر منعقد ہوئی۔
اجلاس میں محترمہ مریم نواز شریف کی جانب سے جاری اسکیموں اور عوام کو زیادہ سے زیادہ فوائد پہنچانے پر زور دیا گیا، جبکہ شہر میں جاری ترقیاتی منصوبوں کی رفتار تیز کرنے پر بھی تبادلہ خیال کیا گیا۔
حاجی شاہنواز رانجھا نے کوٹ مومن کے 15 وارڈز میں کوآرڈینیٹرز نامزد کیے، جنہیں عوامی فلاح و بہبود اور شہری مسائل کے حل میں ہر ممکن تعاون کی یقین دہانی کروائی گئی۔
اس موقع پر رمضان راشن سروے کا بھی جائزہ لیا گیا اور رمضان پیکج کی رجسٹریشن کے عمل کو مزید تیز کرنے پر اتفاق کیا گیا، تاکہ مستحق افراد بروقت سہولت حاصل کر سکیں۔
