سرگودھا،باغی ٹی وی(ادریس نواز چدھڑ کی رپورٹ)کمشنر نے مین واٹر سپلائی محمدی کالونی پارک میں پودا لگا کر شجر کاری مہم کا افتتاح کیا
تفصیلات کے مطابق کمشنر سرگودھا ڈویژن محمد اجمل بھٹی نے مین واٹر سپلائی محمدی کالونی کے پارک میں پودا لگا کر موسم بہار کی شجر کاری مہم کا افتتاح کر دیا ۔ اس موقع پر سرگودہا ڈویژن کو سرسبز و شاداب بنانے کے عزم کے ساتھ ملک و قوم کی سلامتی کیلئے دعا بھی کی گئی ۔
کمشنر نے کہا کہ شجر کاری مہم کو کامیاب بنانے کےلئے معاشرے کے ہر فرد کو اپنا حصہ ڈالنا ہو گا۔ تمام ادارے شجر کاری مہم کو کامیاب بنانے کےلئے محکمہ جنگلات اور پی ایچ اے کے ساتھ مکمل تعاون کریں ۔
انہوں نے کنزرویٹر جنگلات کو ہدایت کی کہ وہ چاروں اضلاع میں شجر کاری مہم کے تحت پودے لگانے کے لئے جامع پلان مرتب کریں تاکہ متعلقہ تحصیل افسران کو بھی اس پر عملدرآمد کے لئے ہدایات جاری کی جا سکیں ۔
ان کا مزید کہنا تھا کہ پاکستان موسمیاتی تبدیلیوں سے متاثر ہونے والے ممالک میں شامل ہے اس لیے ہر فرد کو شجر کاری مہم میں بڑھ چڑھ کر حصہ لینا چاہئے تاکہ پاکستان موسمیاتی تبدیلیوں کے اس بڑے چیلنج سے نبرد آزما ہو سکے ۔
کمشنر نے مزید کہا کہ صرف پودے لگانا کمال نہیں بلکہ ان کی دیکھ بھال ہی اصل امتحان ہوتا ہے ۔ اس موقع پر کنرویٹر جنگلات، ڈویژنل آفیسر جنگلات، ڈائریکٹر کالجز، سیکرٹری تعلیمی بورڈ ، صدر چیمبر آف کامرس، صدر روٹری کلب ، تاجروں اور طلباء سمیت دیگر شعبہ زندگی سے تعلق رکھنے والے افراد نے شرکت کی اور پودے بھی لگائے ۔
Leave a reply
