سرگودھا،باغی ٹی وی( نامہ نگا ر ملک شاہنواز جالپ )پنجاب لینڈریکارڈز اتھارٹی کے زیر اہتمام اراضی ریکارڈ ز سنٹرز سٹاف کی استعداد کار میں اضافہ کے لیے سرگودھا میں تربیتی ورکشاپ کا انعقاد۔پنجاب لینڈ ریکارڈز اتھارٹی کی جانب سے سرگودھا ڈویژن میں فیلڈ عملہ کی استعداد کار کو بہتر بنانے کے لیے تربیتی ورکشاپ کا انعقاد کیا گیا۔ ورکشاپ میں تمام اراضی ریکارڈ زسنٹر کے عملے کو تربیت فراہم کی گی۔
اس ضمن میں پنجاب لینڈ ریکارڈ ز اتھارٹی کی جانب سے ڈائریکٹر آئی ٹی اسامہ بن سعید، ایڈیشنل ڈائریکٹر چوہدری شفیق اور لیگل ایڈوائزر مغیث احمد ملک نے شرکت کی۔ورکشاپ ریونیو کے مختلف حصوں جن میں ویلوایشن ٹیبل کے مطابق فیس کی پڑتال، لینڈ ریکارڈ مینجمنٹ سسٹم میں ریکارڈ اور نام کی درستگی، فرد کا طریقہ کار، لینڈ ریونیو ایکٹ کے مطابق وراثتی انتقال کا عمل درآمد، ای رجسٹری اور پرانی رجسٹریوں کے انتقال کا طریقہ کار، لینڈ ریکارڈ سسٹم میں ملکیت /خسرہ بلاک کرنا، حکم امتناعی، منسوخی حکم امتناعی کا عمل، ایف بی آر فیس کی پڑتال جیسے ریونیو امور سے متعلق مروجہ اور تجدیدی مراحل پر تربیت فراہم کی گئی۔
وقفہ سوالات میں شرکا کی جانب سے سروس ڈلیوری میں فراہمی کے دوران پیش آنے والی رکاوٹوں اور حل کے لیے تجویز پیش کی گئیں۔ڈائریکٹر آئی ٹی اسامہ بن سعیدکا کہنا ہے پنجاب کے تمام شہروں میں کمپیوٹرائزڈ لینڈ ایڈمنسٹریشن کے معیاری اور منظم نظام کے تحت اراضی ریکارڈ سنٹرزپر خدمات کی آسان اور شفاف فراہمی یقینی ہوگی۔
