سرگودھا:سلانوالی میں سب جیل قائم کرنے کے منصوبہ پر عملدرآمد شروع

سرگودھا، باغی ٹی وی( نامہ نگارملک شاہنواز جالپ )حکومت پنجاب کی جانب سے سرگودھا کی تیسری بڑی تحصیل سلانوالی میں سب جیل قائم کرنے کے منصوبہ پر عملدرآمد شروع ہو گیا،

اس ضمن میں گزشتہ ورز ڈی آئی جی جیل خانہ جات سرگودھا ریجن، سعد اللہ گوندل نے سپرٹینڈنٹ ڈسٹرکٹ جیل سرگودھا محمد ابوبکر عبداللہ، ڈپٹی سپرٹینڈنٹ ڈویلپمنت اللہ دتہ، ایس ڈی اوبلڈنگز فرخان خان، سب انجینئر عامر حیات ، اسسٹنٹ ڈائریکٹر آرٹیکلچرڈیپارٹمنٹ کامران خان، ریونیو افسران حافط محمد رمضان اور محمد خان کے ہمراہ سلانوالی میں سب جیل کےلئے مختص جگہ کا معائنہ کیا ،

اس موقع پر نمائندہ آرٹیکلچر ،بلڈنگز اور رویونیو افسران نے ڈی آئی جی جیل خانہ جات کو مکمل بریفنگ دی، ڈی آئی جی جیل خانہ جات سعد اللہ گوندل کا کہنا تھا کہ سب جیل کے قیام سے تحصیل سلانوالی کے ساتھ ساتھ تحصیل ساہیوال کی عوام کو بھی فائدہ پہنچے گا،

منصوبہ اسی مال سال سے شروع ہو گا اور جلد از جلد تکمیل یقینی بنانے کےلئے ہر ممکن اقدامات اٹھائے جا رہے ہیں۔