کفایت شعاری مہم ہوا میں،سرکاری گاڑی بچوں کو سکول چھوڑنے لگی

نگران حکومت میں بھی سرکاری گاڑیوں کو بے جا استعمال ہونے لگا،پنجاب کے صوبائی دارالحکومت لاہو رمیں سرکاری گاڑیاں بچوں کو پک اینڈ ڈراپ کی سروس دینے لگیں

ایک طرف پاکستان میں مہنگائی عروج پر پہنچ چکی ہے، غریب آدمی کا جینا محال ہو چکا ہے، آٹا چینی، پٹرول سمیت سب کچھ مہنگا ہو چکا ہے،دوسری جانب حکومتی اراکین کے خرچے کم ہونے کے نام ہی نہیں لے رہے، سرکاری گاڑیوں کا بے جا استعمال کیا جا رہا ہے، لاہور کے علاقے عسکری الیون میں ایک سرکاری گاڑی دیکھی گئی جس کی سبز نمبر پلیٹ ہے ،اور حکومت پاکستان لکھا ہوا ہے، گاڑی پر نیلی بتی بھی لگی ہوئی ہے، باغی ٹی وی کو ملنے والی معلومات کے مطابق مذکورہ گاڑی پر بچوں کو لیا جا رہا تھا،

ایک جانب وزیراعظم شہباز شریف نے گزشتہ روز کفایت شعاری پالیسی کا اعلان کیا دوسری جانب سرکاری گاڑیوں کے استعمال کی کسی کو خبر ہی نہیں،سرکاری گاڑیاں جن افسران کو ملتی ہیں وہ گاڑیاں اپنی فیملی ، عزیز و اقارب اور دوستوں کے پک اینڈ ڈراپ پر لگا دیتے ہیں، ایسے میں قومی خزانے پر بوجھ بڑھتا جاتا ہے، وزیراعظم کو سرکاری گاڑیوں کے بے جا استعمال کا نوٹس لینا چاہئے اورتعلیمی اداروں میں پک اینڈ ڈراپ اور ذاتی کاموں کے لئے استعمال پر پابندی عائد کرنی چاہئے، جو بھی افسر سرکاری گاڑی کا بے جا استعمال کرے اسکے خلاف کاروائی ہونی چاہئے،

سرکاری گاڑیوں کے غلط استعمال کی روک تھام کے لئے گاڑیوں میں ٹریکر نصب کرکے ٹریکنگ کے ذریعے ان کی آمدورفت اور آنے جانے کے مقامات کی مانیٹرنگ کی جائے اور اس کا باقاعدہ ریکارڈ رکھا جائے ،تعلیمی اداروں کی چھٹی کے اوقات میں سرکاری گاڑیوں کی مانیٹرنگ کی جائے، دفتری اوقات کے علاوہ سرکاری گاڑی کے استعمال کا بھی حساب لیا جائے،ٹریکر لگنے سے یہ سب ممکن ہے ، اسکا فائدہ یہ ہو گا کہ سرکاری گاڑی کا استعمال کم ہو گا اور قومی خزانے پر فضول کا بوجھ نہیں پڑے گا

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

موجودہ سیاسی صورتحال میں فوج پر بلا وجہ الزامات،بلاوجہ منفی پروپیگنڈہ

سیاسی مفادات کے لئے ملک کونقصان نہیں پہنچانا چاہئے

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ