سرکاری اساتذہ کا ڈیٹا مکمل طور پر محفوظ ہے، پنجاب آئی ٹی بورڈ

پنجاب انفارمیشن ٹیکنالوجی بورڈ ( پی آئی ٹی بی) نے اساتذہ کی سہولت کیلئے سکول انفارمیشن سسٹم ایپ پلے سٹور پر انسٹال کر دیا ہے-

باغی ٹی وی : پنجاب آئی ٹی بورڈ کا کہنا ہے کہ سرکاری اساتذہ کا ڈیٹا مکمل طور پر محفوظ ہے پنجاب انفارمیشن ٹیکنالوجی بورڈ کی جاری کردہ پریس ریلیز کے مطابق پنجاب کے تمام سرکاری اساتذہ کا ڈیٹا مکمل طور پر محفوظ ہے اور لاکھوں اساتذہ کے موبائل فونز پر سکول انفارمیشن سسٹم پنجاب ایپ درست کام کر رہی ہے۔

پنجاب آئی ٹی بورڈ نے مزید کہا کہ تبادلوں کے لیے ایپ سے موصول ہونیوالی اساتذہ کی 23 ہزار درخواستوں پر معمول کی کارروائی جاری یے جبکہ اساتذہ یا طلبا کا ڈیٹا ہیک یا چوری ہونے کی خبروں میں کوئی صداقت نہیں۔ ایپ مینٹیننس کیلئے پلے سٹور سے ہٹائی گئی جو کہ پلے سٹور پر دوبارہ بحال ہو چکی ہے۔

پی آئی ٹی بی کے مطابق پنجاب کے تمام سرکاری اساتذہ کا ڈیٹا مکمل طور پر محفوظ ہےلاکھوں اساتذہ کے موبائل فونز پر سکول انفارمیشن سسٹم پنجاب ایپ درست کام کر رہی ہے

پی آئی ٹی بی کا کہنا ہے کہ تبادلوں کے لیے ایپ سے موصول ہونیوالی اساتذہ کی 23 ہزار درخواستوں پر معمول کی کارروائی بھی جاری ہے-

پی آئی ٹی بی نے مزید کہا کہ اساتذہ کا ڈیٹا چوری ہونے کی خبروں میں کوئی صداقت نہیں ہے-

واضح رہے کہ اس سے قبل پنجاب انفارمیشن ٹیکنالوجی بورڈ نے سنٹرل پولیس آفس راولپنڈی کے اشتراک سے پاکستان کی تاریخ میں پہلی مرتبہ شہریوں کی سہولت کیلئے پیپر لیس ڈرائیونگ لائسنس ایشوئنگ سسٹم متعارف کروایا ہےجس کے تحت شہری ون ونڈو سہولت سے لرنر ڈرائیونگ لائسنس اور ڈرائیونگ لائسنس کی تجدید کیلئے درخواست دے سکتے ہیں۔اب شہریوں کو اپنی تصویریں ‘پاسپورٹ یا فارم لانے کی ضرورت نہیں بلکہ وہ اپنا اصل شناختی کارڈ اور فیس ساتھ لا کر لائسنس بنوا سکتے ہیں۔

پی آئی ٹی بی کے جائزہ اجلاس سے خطاب کرتے ہوئے چیئرمین اظفر منظور نے کہا تھا کہ یہ جدید نظام شفافیت کو یقینی بنانے، جعلی لائسنس کی روک تھام اور ایجنٹ مافیا کے خاتمہ میں مددگار ثابت ہو گا اور جلد ہی پنجاب کے دیگر اضلاع میں بھی متعارف کروا دیا جائے گا۔

ملک میں پہلی مرتبہ پیپر لیس ڈرائیونگ لائسنس ایشوئنگ سسٹم متعارف