سرکاری افسر ستر لاکھ تنخواہیں کھا گیا
قصور
محکمہ ایری گیشن چونیاں میں لوٹ مار کا بازار گرم سب انجنیئر قدیر پراچہ نے جونیئر ملازمین کی تین ماہ کی تنخواہیں ہڑپ کر لیں مبینہ طور پر ستر لاکھ روپے فلڈ کی مد میں خورد برد
تفصیلات کے مطابق الہ آباد میں ساکن پھنیاں کنگن پور کے رہائشی احمد دین نے میڈیا سے بات کرتے ہوئے کہا کہ قدیر پراچہ جو کہ سب انجنیئر چونیاں ہے سیکشن کنگن پور میں مذکورہ سب انجنیئر نے اپنے جونیئر ملازمین کی تین ماہ کی تنخواہیں اور فلڈ ریلیف کی مد میں مبینہ طور پر ستر لاکھ روپے خورد برد کئیے ہیں جس پر متعدد مرتبہ اعلیٰ افسران کے نوٹس میں بات کو لایا گیا مگر کرپٹ اور سیاسی اثر رسوخ رکھنے والے مذکورہ سب انجنیئر قدیر پراچہ کے خلاف آج تک کوئی کارروائی سامنے نہیں آ سکی درخواست گزار کے مطابق مذکورہ سب انجنیئر عبدالقدیر پراچہ نے جونیئر ملازمین کی دس لاکھ کے قریب تنخواہوں کی رقم جعل سازی کرکے فراڈ کی ہے متاثرین کی حکام بالا سے اپیل ہے اس ظالم اور راشی کرپٹ سب انجنیئر قدیر پراچہ کو معطل کر کے اسکے خلاف محکمانہ کارروائی کیجائے تاکہ اس کی کرپشن اور لوٹی ہوئی تنخواہیں واپس دلوائی جا سکیں