سعود شکیل کا انوکھا ریکارڈ

اکستان کے مڈل آرڈر بلے باز سعود شکیل نے اتوار کو پرتھ اسٹیڈیم میں آسٹریلیا کے خلاف پہلے ٹیسٹ کی دوسری اننگز کے دوران تاریخ رقم کی۔شکیل، جو اپنا آٹھواں ٹیسٹ میچ کھیل رہے ہیں، ریڈ بال کرکٹ کی تاریخ کے پہلے بلے باز بن گئے جنہوں نے اپنی پہلی 15 اننگز میں سے ہر ایک میں کم از کم 20 رنز بنائے۔سعود شکیل ٹیسٹ میچز کی ابتدائی 15 اننگز میں ہر بار 20 رنز کرنے والے پہلے بیٹر بن گئے، انہوں نے یہ سنگِ میل آسٹریلیا کے خلاف پرتھ ٹیسٹ کی دوسری اننگز میں عبور کیا۔سعود شکیل نے کیریئر کی ابتدا میں انگلینڈ کے خلاف 37، 76، 63، 94، 23 اور 53 رنز کی اننگز کھیلیں۔انہوں نے نیوزی لینڈ کے خلاف 22، 54، 125 اور 32 رنز کی اننگز کھیلیں جبکہ سری لنکا میں سعود شکیل نے 208، 30 اور 57 رنز بنائے تھے۔پرتھ ٹیسٹ کی پہلی اننگز میں انہوں نے 28 رنز بنائے تھے۔اس سے قبل ویسٹ انڈیز کے ایورٹن ویکس نے مسلسل 14 اننگز میں 20 یا زائد رنز بنائے تھے۔