سعودی وزارت داخلہ نے پاکستان سمیت دیگر ممالک سے براہ راست فلائٹس آپریشن بحال کرنے کا اعلان کیا ہے-
باغی ٹی وی :سعودی عرب حکومت نے کورونا وبا کے باعث لگائی گئی پابندی ختم کرتے ہوئے یکم دسمبر سے 6 ممالک کے مسافروں کو ڈائریکٹ انٹری کی اجازت دے دی ہے سعودی وزارت داخلہ کے مطابق سعودی عرب آنے والے افراد کو 5 روز کیلئے قرنطینہ میں رہنا ہوگا 6 ممالک میں پاکستان، انڈونیشیا، برازیل، ویتنام، مصر اور انڈیا شامل ہیں-
ایف آئی اے کا جعلی سموں کیخلاف ملک بھر میں آپریشن ،7 فرنچائز سیل ،9 افراد گرفتار
دوسری جانب پاکستان کی قومی ایئرلائن (پی آئی اے) متحدہ عرب امارات کی ریاست فجیرہ کے لیے فلائٹس شروع کرنے والی پہلی بین الاقوامی فضائی کمپنی بن گئی ہے۔
ترجمان پی آئی اے کے مطابق قومی ایئرلائن کی پہلی پرواز پشاور سے 168 مسافر لے کر جمعرات کی دوپہر فجیرہ پہنچی فجیرہ کے ہوئی اڈے پر ریاست کے شاہی خاندان کے ارکان اور دیگر اعلٰی حکام نے پی آئی اے کی پرواز اور سی ای او ایئر مارشل ارشد ملک کا استقبال کیا جبکہ اس موقع پر روایتی استقبالی رقص بھی پیش کیا گیا۔
بائیو میٹرک ڈیٹا ہیک ہونے کا انکشاف،نادرا کا بیان بھی سامنے آ گیا
قومی ایئرلائن کے ترجمان کا کہنا ہے کہ اس طرح پی آئی اے ریاست فجیرہ کے لیے پرواز چلانے والی پہلی بین الاقوامی ایئرلائن بن گئی ہے ’پی آئی اے کی پروازوں کے لیے خصوصی انتظامات کے تحت 15 منٹ کے اندر تمام مسافروں کی امیگریشن مکمل کی جائے گی پی آئی اے کے مسافروں کے لیے خصوصی بسوں کا بھی انتظام کیا گیا ہے جو دیگر شہروں تک بلا معاوضہ رسائی فراہم کریں گی۔
واضح رہے کہ پی آئی اے کی پروازیں فجیرہ کے امیر کی خصوصی درخواست پر شروع کی گئی ہیں۔
