ریاض: سعودی ولی عہد شہزادہ محمد بن سلمان نے چینی صدر شی جن پنگ سے ٹیلی فونک رابطہ کیا جس میں سعودی عرب اور ایران کے درمیان مذاکرات کی حمایت سمیت متعدد امور پر تبادلہ خیال کیا۔
باغی ٹی وی: سعودی میڈیا کے مطابق ولی عہد محمد بن سلمان اور چینی صدر کے درمیان گفتگو میں دونوں ممالک کے تعلقات کی اہمیت پر زور دیا گیا جب کہ سعودی ولی عہد نے ایران سعودیہ کے درمیان اچھے ہمسایہ تعلقات میں پیشرفت میں چین کےکردارکو سراہا۔
پاکستان اورچین کا اتحاد مضبوط لیکن چین کےمخالفین بالخصوص امریکا پاکستان سے مکمل اتحاد سے …
سعودی میڈیا کے مطابق چینی صدر نے جی سی سی ممالک اور مشرق وسطیٰ سے روابط میں سعودی کردارکوسراہا جب کہ دونوں رہنماؤں نے مختلف شعبوں میں تعاون بڑھانے پربھی بات کی شی جن پنگ نے کہا کہ انہیں امید ہے دونوں فریق مذاکرات کے نتائج کی بنیاد پر اپنے تعلقات کو بہتر بناتے رہیں گے۔
ایران اورسعودی وزیر خارجہ کا ماہِ رمضان میں ہی ملاقات پراتفاق
دونوں رہنماؤں نے سعودی عرب اور چین کے درمیان شراکت داری کے پہلوؤں اور مختلف شعبوں میں دونوں ملکوں کے درمیان تعاون کو بڑھانے کے لیے مشترکہ رابطہ کاری کی کوششوں کا جائزہ لیا۔
