سعودی پاک جوائنٹ بزنس کونسل کا خصوصی وفد لاہور پہنچ گیا، جہاں وزیراعلیٰ پنجاب مریم نواز شریف نے ایئرپورٹ پر خود جا کر معزز مہمانوں کا استقبال کیا۔
وفد کی قیادت پاک سعودی بزنس فورم کے چیئرمین شہزادہ منصور بن محمد بن سعد آل سعود نے کی۔ بعد ازاں وفد نے وزیراعلیٰ پنجاب سے ملاقات کی جس میں تجارت، سرمایہ کاری اور صنعتی تعاون کے فروغ پر تفصیلی گفتگو ہوئی۔وزیراعلیٰ مریم نواز نے خادمین الحرمین شریفین شاہ سلمان بن عبدالعزیز اور ولی عہد شہزادہ محمد بن سلمان کے لیے دلی عقیدت و احترام کا اظہار کرتے ہوئے کہا کہ پاکستان اور سعودی عرب اخوت، ایمان اور محبت کے رشتے میں بندھے ہوئے ہیں اور دونوں ممالک کے عوام ایک دوسرے کے دکھ درد میں ہمیشہ شریک رہے ہیں۔
انہوں نے سعودی سفیر کی جانب سے سیلاب متاثرین کے لیے گھریلو سامان کی فراہمی پر شکریہ ادا کیا اور اسے گہرے برادرانہ تعلقات کا مظہر قرار دیا۔ملاقات میں توانائی، ہاؤسنگ، زراعت، لائیو اسٹاک، انفراسٹرکچر اور ٹیکنالوجی کے شعبوں میں تعاون کے امکانات پر بھی تبادلہ خیال کیا گیا۔
ٹرمپ کو امن کا نوبیل انعام نہ ملنے پر وائٹ ہاؤس کی کمیٹی پر تنقید
اسرائیلی فوج کاغزہ سے انخلا کا پہلا مرحلہ مکمل ہو گیا
کراچی ، بھارتی خفیہ ایجنسی "را” کے نیٹ ورک کے 2 مشتبہ افراد گرفتار
