سعودی ولی عہد اور برطانوی وزیراعظم کا رابطہ،کرونا وائرس سے ملکر نمٹنے کا عزم

سعودی ولی عہد اور برطانوی وزیراعظم کا رابطہ،کرونا وائرس سے ملکر نمٹنے کا عزم

باغی ٹی وی کی رپورٹ کے مطابق برطانوی وزیراعظم بورس جانسن نے اپنے شہریوں سے اپیل کرتے ہوئے کہا ہے کہ برطانوی شہری بارز ، کلبز، تھیٹرز جانے سےگریز کریں۔

برطانوی وزیراعظم کا کا کہنا تھا کہ غیرضروری روابط روک دیں، جتنا ممکن ہوگھروں سے کام کریں، سماجی تقریبات سے دور رہا جائے، غیرضروری سفر نہ کیا جائے۔ ہر بیمار شخص کو گھر میں رہنا چاہیے اور پورے گھر کے ارکان کوقرنطینہ میں رہناچاہئے جبکہ ورکرز گھر سے کام کریں۔

برطانوی وزیراعظم نے کہاکہ اکثر ورکرز گھر سے کام کریں، اگر کوئی بیمار ہے یا کرونا کی علامات پائی جاتی ہیں تو پورے گھر کے ارکان کو کم از کم 14دنون کیلئے قرنطینہ میں رہنا چاہئے۔ سترسال عمر کے لوگوں کو وائرس سے بچنا چاہئے۔کورونا وائرس بچوں اور بزرگوں کو زیادہ متاثر کرتاہے اور ان کے مرنے کا خطرہ ہے۔ برطانیہ میں چوالیس ہزار افراد وائرس سے متاثر ہیں

قبل ازیں برطانوی حکومت نے کرونا وائرس کے پیش نظر نئی ٹریول ایڈوائزری جاری کی ہے جس کے تحت برطانوی شہریوں کو 30 ممالک کا سفر نہ کرنے کی ہدایت کی گئی ہے۔ پاکستان برطانیہ کی حالیہ ٹریول ایڈوائزری میں شامل نہیں اور برطانوی شہری پاکستان کا سفر کر سکتے ہیں۔ کرونا وائرس کے پیش نظر برٹش ایئر ویز اپنی 75 فیصد پروازیں پہلے ہی بند کرچکا ہے

برطانیہ میں اب تک کرونا وائرس کے 13 سو 72 کیسز کی تصدیق ہوچکی ہے جبکہ وائرس 55 افراد کی جانیں لے چکا ہے۔برطانیہ میں کرونا وائرس ٹیسٹ سے انکار پر اب ایک ہزار پاؤنڈ جرمانہ اور گرفتاری بھی عمل میں لائی جائے گی۔

قبل ازیں سعودی ولی عہد شہزادہ محمد بن سلمان سے برطانوی وزیراعظم بورس جانسن نے ٹیلیفونک رابطہ کیا ہے۔ سعودی خبر رساں ادارے کے مطابق دونوں رہنماؤں نے کورونا وائرس کی روک تھام کے لیے مشترکہ کوششوں کو زور دیتے ہوئے عالمی برادری کو ایک دوسرے سے تعاون کے لیے کہا ہے۔ ولی عہد شہزادہ محمد بن سلمان کا کہنا تھا کہ عالمی وبا کی روک تھام کے لیے عالمی برادری کی مشترکہ کوششوں کے علاوہ جی 20 ممالک کے باہم افہام وتفہیم اور تعاون ضروری ہے