درپیش توانائی چیلنجوں کو مقابلہ کرنے کیلئے سعودیہ اور چین کے درمیان توانائی کے شعبے میں دو طرفہ تعاون اور سرمایہ کاری کا فیصلہ کیا گیا ہے-
باغی ٹی وی : سعودی سرکاری خبر رساں ایجنسی (ایس پی اے) نے رپورٹ کیا کہ سعودی عرب کے وزیر توانائی شہزادہ عبدالعزیز بن سلمان اور چین کی نیشنل انرجی ایڈمنسٹریشن کے ڈائریکٹر ژانگ جیان ہوا نے جمعہ کو کہا کہ وہ توانائی کے شعبے میں اپنے تعلقات کو مضبوط کریں گے-
رپورٹ کے مطابق دونوں ملکوں کے توانائی سے متعلق اہم ذمہ داروں کے درمیان جمعہ کے روز آن لائن ہونے والی میٹنگ ہوئی۔ اس دوران توانائی کے حوالے سے باہم ملک کر چلنے کا فیصلہ کیا گیا۔ اس سلسلے میں دو طرفہ رابطے اور تعاون جاری رہے گا۔ تاکہ درپیش توانائی چیلنجوں کو مقابلہ کیا جا سکے۔
انہوں نے خاص طور پر ان ممالک میں سرمایہ کاری کا ذکر کیا جو چین کے بیلٹ اینڈ روڈ انفراسٹرکچر اقدام کا حصہ ہیں اور تیل کی عالمی منڈی کو "مستحکم” کرنے کی اہمیت کا ذکر کرتے ہیں،یہ سرمایہ کاری ریفائنریز اور پٹروکیمیکل کامپلیکسز کے شعبے میں کی جائے گی۔
سرکاری سعودی پریس ایجنسی کے مطابق سعودی وزیر توانائی شہزادہ عبدالعزیز بن سلمان اور چین کے قومی توانائی کے منتظم ژانگ جیان ہوا کے درمیان اس امر پر اتفاق کیا گیا ہے کہ تیل کی منڈی میں استحکام کے لیے دونوں ممالک مل کر کام کریں گے۔
دونوں ملکوں کے توانائی ذمہ داروں نے طویل مدتی اور قابل بھروسہ انداز میں تیل کی عالمی سطح پر فراہمی کی اہمیت پر روشنی ڈالی گئی ہے تاکہ متحرک اور مستحکم عالمی منڈی موجودہ چیلنجوں کا مقابلہ کرنے لیے موجود ہو۔
سعودی خبر رساں ادارے کے مطابق چینی صنعتکاروں کی تیار کردہ اشیا کی کھپت کے لیے ایک علاقائی مرکز قائم کیا جائے گا۔ اس کے لیے سعودی عرب کے محل وقوع اور جغرافیہ کو دیکھا جائے گا کہ اس میں چین کے تیار کردہ مال کے لیے امکنات کی صورت کیسے کیسے ہو سکتی ہے۔
سعودی عرب سبزاورنیلی ہائیڈروجن پیدا کرنے والاپہلا ملک بننے کی کوشش کررہا. وزیر…
دونوں وزرا توانائی کی طرف سے بجلی کے شعبے میں پیداوار اور قابل تجدید توانائی کے شعبے میں بھی باہمی تعاون کی اہمیت پر زور دیا گیا۔
سعودی عرب اور چین کے توانائی کے تعلقات ایک ایسے وقت میں مضبوط ہو رہے ہیں جب امریکہ سعودی تعلقات تیل کی وجہ سے خراب ہو رہے ہیں۔ مارچ میں سعودی آرامکو نے چین میں آئل ریفائنری کمپلیکس کی تعمیر کے معاہدے کو حتمی شکل دی۔ اگست میں، آرامکو اور چین کے سینوپیک نے تیل، ہائیڈروجن اور کاربن کے حوالے سے مزید تعاون کے لیے ایک یادداشت پر دستخط کیے تھے۔
شہزادہ عبدالعزیزاور چینہ رہنما جیان ہوا کی گفتگو میں کچھ اہم نکات پر روشنی ڈالی گئی۔ سعودی عرب نے اس سال تیل کی قیمتوں میں اتار چڑھاؤ کے حوالے سے اپنی تشویش کی وجہ سے OPEC+ کے تیل کی پیداوار میں کمی کے حالیہ فیصلے کی حمایت کی۔ دوسری طرف، چین تیل کی کم قیمتوں سے ممکنہ طور پر فائدہ اٹھائے گا، کیونکہ وہ مملکت سے تیل درآمد کرتا ہے۔
ایک سعودی فرم نے اگست میں مصر میں گرین ہائیڈروجن انرجی پلانٹ کی تعمیر کے معاہدے پر دستخط کیے تھے مشرق وسطیٰ کی کئی ریاستیں بیلٹ اینڈ روڈ کے منصوبوں میں سرمایہ کاری کر رہی ہیں جن میں سعودی عرب، شام، ترکی اور ایران شامل ہیں۔
