سعودیہ پلٹ شہری ڈاکوؤں کے ہتھے چڑھ گیا،18لاکھ لٹ گئے

اسلام آباد ،تھانہ لوہی بھیر کے علاقے میں ڈکیتی کی بڑی واردات ہوئی ہے

موٹر سائیکل سوار 2 ملزمان سعودیہ سے آنے والے شہری سے 18 لاکھ 15 ہزار لوٹ کر فرار ہو گئے،تحریری درخواست پر تھانہ لوہی بھیر پولیس نے تا حال ایف آئی آر درج نہ کی،درخواست میں کہا گیا کہ 4 جون کو سعودیہ سے پاکستان اپنے رشتے داروں کے گھر سواں گارڈن اسلام آباد آیا، اپنے عزیز عبداللہ اور کلال ممتاز کے ساتھ صدر سے سعودی کرنسی چینج کروائی، 18 لاکھ روپے پاکستانی کرنسی میں نے شاپر میں ڈال کر گاڑی کی سیٹ کے نیچے رکھ لی، سٹریٹ نمبر 4 سواں گارڈن ایف بلاک گھر کے سامنے رکے تو دو موٹر سائیکل سوال ملزمان قریب آئے،موٹر سوال ملزمان نے گن پوائنٹ پر سیٹ کے نیچے سے پیسے پرس اور ضروری دستاویزات کے گئے،شہری نے تحریری طور پر لوہی بھیر تھانے میں درخواست دے دی ہے