اسلام آباد: پاکستان تحریک انصاف کے چیئرمین بیرسٹر گوہر نے کہا ہے کہ بانی پی ٹی آئی عمران خان اور لیڈر شپ نے 9 مئی واقعات کی مذمت کی۔
باغی ٹی وی: بیرسٹر گوہر نے کہا کہ 9 مئی کے مزید 60 ملزمان کو دی جانے والی سزاؤں پر چیرمین پی ٹی آئی بیرسٹر گوہر نے رد عمل دیتے ہوئے کہا ہے کہ ہمارا مطالبہ ہے کہ 9 مئی اور 26 نومبر واقعات پر جوڈیشل کمیشن بنایا جائے، 9 مئی میں کون ملوث تھا اس کا فیصلہ فیئر ٹرائل کے ذریعے ہونا چاہیئے، 9 مئی میں سزا یافتہ لوگوں کے لیے اپیلیں فائل کریں گے۔
سانحہ 9 مئی میں کون ملوث ہے اور کیسے پہنچا جائے، جوڈیشل کمیشن بننا چاہئے، پھرفیئر ٹرائل ہو، جوڈیشل کمیشن سے ہونے والافیئر ٹرائل سب کو قابل قبول ہوگا تحریک انصاف سپریم کورٹ میں جوڈیشل کمیشن بنانے کیلئے پٹیشن فائل کرچکی ہے، پی ٹی آئی کا اصولی موقف رہا ہے کہ سویلین کا ٹرائل ملٹری کورٹ میں نہ ہو۔
سانحہ نو مئی کے مجرمان کو شواہد کی بنیاد پر سزائیں سنائی گئیں،عطاءاللہ تارڑ
بیرسٹرگوہر نے کہا کہ بانی پی ٹی آئی عمران خان نے ہمیشہ 9 مئی واقعات کی مذمت کی، کسی بھی سویلین کا ملٹری ٹرائل نہیں ہونا چاہیئے، یہ معاملہ ابھی بھی سپریم کورٹ میں زیرسماعت ہے، سپریم کورٹ کے فیصلے سے اچھے کی ہی امید ہے، امید ہے سپریم کورٹ سویلین کے حق میں فیصلہ دے گی، ملٹری کورٹ میں سویلین کا ٹرائل ہم غیر آئینی سمجھتے ہیں، ملٹری ٹرائل صرف اور صرف ان لوگوں کا ہونا چاہئے جو یونیفارم میں یا ریٹائرڈ ہوں۔
جی ایچ کیو حملہ کیس: شیخ رشید کی فرد جرم عائد کرنے کی کارروائی سپریم کورٹ میں چیلنج
واضح رہے ملٹری کورٹ نے آج سانحہ 9 مئی میں ملوث مزید 60 ملزمان کو سزائیں سنا دیں اور حسان نیازی کو 10 سال قید بامشقت کی سزا سُنائی گئی ہے-
