وزیراعظم شہباز شریف نے وفاقی کابینہ اجلاس میں گفتگو کرتے ہوئے کہا ہے کہ وفاق پر دن رات چڑھائی کی جارہی ہے، دھمکیاں دی جا رہی ہیں، دُشنام طرازی کی جا رہی ہے، انتہائی افسوسناک بیہودہ گفتگو کی جا رہی ہے،
وزیراعظم شہباز شریف کا کہنا تھا کہ میں سمجھتا ہوں کہ اس طرح کے واقعات ہمیں دوبارہ 2014،15 میں جو کچھ کیا گیا اور پاکستان کے خلاف جو ناپاک عزائم تھے دشمنوں کے اور گھس بیٹھیوں کے آج بھی وہی منظر دیکھنے کو مل رہا،میں کسی قیمت پر 2014 کی سازش دوبارہ نہیں ہونے دوں گا، یہ میرا قوم سے وعدہ ہے،دشمن پاکستان کو غیر مستحکم کرنا چاہتا ہے،انہیں غم کھائے جا رہا ہے کہ معیشت سنبھل گئی تو انہیں کون پوچھے گا،ایک جتھے کو پاکستان کی ترقی منظور نہیں،خارجی اور اندر کے دشمن ایک ہو گئے ہیں وزیراعلی خیبرپختونخواہ کے جلوس میں افغان شہری شامل تھے۔ترقی کے راستے میں رکاوٹیں منظم سازش کے تحت ڈالی جا رہی ہیں
اسرائیل کی بربریت سے متاثرہ افراد کی امداد کے لئے وزیراعظم ریلیف فنڈ برائے فلسطین و لبنان قائم
وزیر اعظم شہباز شریف کی زیر صدارت وفاقی کابینہ کا اجلاس ، اعلامیہ جاری کر دیا گیا،وزیراعظم شہباز شریف کی زیر صدارت وفاقی کابینہ کا اجلاس آج وزیراعظم ہاؤس اسلام آباد میں منعقد ہوا۔وفاقی کابینہ نے فلسطین اور لبنان میں اسرائیل کی بربریت سے متاثرہ افراد کی امداد کے لئے وزیراعظم ریلیف فنڈ برائے فلسطین و لبنان قائم کرنے کی منظوری دے دی اور اس حوالے سے اسٹیٹ بینک آف پاکستان کو اکائونٹ کھولنے کے حوالےسے ضروری ہدایات بھی جاری کر دیں۔ وفاقی وزیر منصوبہ بندی احسن اقبال فلسطین اور لبنان کے حوالےسے امدادی کارروائیوں کی نگرانی کریں گے۔وفاقی کابینہ کو وزارت انفارمیشن ٹیکنالوجی و ٹیلی کام کی جانب سے وفاقی وزارتوں اور اداروں میں ای-آفس کے نفاذ کے حوالے سے بریفنگ دی گئی۔ اجلاس کو بتایا گیا حکومت کے ای-گورننس کی نفاذ کے حوالے سے اقدامات سے اقوام متحدہ کے ای-گورننس ڈویلپمنٹ انڈیکس میں پاکستان کی پوزیشن میں 14 درجے بہتری ہوئی ہے ۔ اجلاس کو مزید بتایا گیا کہ وفاقی حکومت کے تمام 40 ڈویژنز میں ای-آفس کے نفاذ کا عمل جاری ہے اور چند وزارتوں میں ای- آفس کا 100 فیصد نفاذ کیا جا چکا ہے۔ وزیراعظم نے ای-آفس کے نفاذ میں مزید بہتری لانے کی ہدایت کی اور کہا کہ دو ہفتے بعد اس حوالے سے پیشرفت کا جائزہ لیا جائے گا۔وفاقی کابینہ نے ورلڈ ٹریڈ آرگنائزیشن کے فیصلوں کی روشنی میں ماہی گیری کی شعبے میں سبسیڈیز کے معاہدے کی توثیق کردی- وفاقی کابینہ نے وزارت بحری امورکی سفارش پر گوادر بندر گاہ پاکستان اور شنگھائی بندرگاہ چین کو سسٹر پورٹس کی حیثیت دینے کے معاہدے پر دستخط کی منظوری دے دی-وفاقی کابینہ نے وزارت خارجہ کی سفارش پر وزارت خارجہ پاکستان اور روانڈا کی وزارت خارجہ کے درمیان دو طرفہ سیاسی مشاورت کی مفاہمتی یادداشت پر دستخط کی منظوری دے دی .وفاقی کابینہ نے وزارت خارجہ کی سفارش پر وزارت خارجہ پاکستان اور گھانا کی وزارت خارجہ کے درمیان دو طرفہ سیاسی مشاورت کے حوالے سے مفاہمتی یادداشت پر دستخط کی منظوری دے دی۔وفاقی کابینہ نے معزز چیف جسٹس بلوچستان ہائی کورٹ کے احکامات اور وزارت قانون و انصاف کی سفارش پر جوڈیشل مجسٹریٹ – گوادر اور جوڈیشل مجسٹریٹ – حب کو انسداد منشیات کے مقدمات سننے کا اختیار دینے کی منظوری دے دی۔ وفاقی کابینہ نے کابینہ کمیٹی برائے لیجسلیٹو کیسز کے 25 ستمبر 2024 کو منعقد کئے گئے اجلاس میں لئے گئے فیصلوں کی توثیق کردی- وفاقی کابینہ نے کابینہ کمیٹی برائے چائینیز انوسٹمینٹ پراجیکٹس کے 16 ستمبر 2024 کو منعقد ہوئے اجلاس میں لئے گئے فیصلوں کی توثیق کردی- وفاقی کابینہ نے کابینہ کمیٹی برائے حکومتی ملکیتی ادراہ جات کے یکم اکتوبر 2024 کو منعقد ہونے والے اجلاس کے فیصلوں کی توثیق کردی-
وزیراعظم پاکستان میاں محمد شہباز شریف کا قرض اتارو ملک سنواروں پروگرام کی بحالی کے حوالے کے بارے اہم اقدام سامنے آیا ہے،نومبر 2024 سے تمام سرکاری ملازمین کی تنخواہوں میں 5% کٹوتی ہوگی جس کا مقصد "قرض اتارو ملک سنواروں” ہوگا ،سرکاری ملازمین کی پینشن میں 10% کی ریکارڈ کمی کا فیصلہ کیا گیا،وزیراعظم پاکستان نےتمام ممبران قومی اسمبلی کو نومبر 2024 سے تنخواہیں نہ دینے کا فیصلہ کیا ہے،اپنے سرکاری پروٹوکول میں سے 25 میں سے 15 گاڑیاں نیلامی کرنے کا فیصلہ کیا ہے،18 گریڈ سرکاری ملازمین ہر ماہ 10 ہزار روپے ” قرض اتارو ملک سنواروں” پروگرام میں اپنا حصہ ڈالیں گے،پنجاب سمیت ملک بھر میں 60 فیصد سے بھی کم رزلٹ دینے والے سرکاری تعلیمی ادارے کو مکمل طور پر ختم اور نجکاری کرنے کا فیصلہ اور تمام سٹاف کو برطرف کرنے کا فیصلہ کیا گیا ہے،
آئینی ترامیم میں کیا ہے؟مسودہ باغی ٹی وی نے حاصل کر لیا
آئینی ترامیم،قومی اسمبلی،سینیٹ اجلاس آج،مولانا فضل الرحمان اہمیت اختیار کر گئے
عمران خان نے اشارہ کیا تو بنگلہ دیش کو بھول جاؤ گے،بیرسٹر گوہر کی دھمکی
ہوسکتا ہے جنرل فیض حمید اندر یہ گانا گا رہے ہوں کہ آ جا بالما تیرا انتظار ہے، خواجہ آصف
بل پیش کرنے سے پہلے کابینہ سے منظوری لازمی ہے،بیرسٹر گوہر
وفاقی حکومت کا علیحدہ آئینی عدالت کے قیام کا منصوبہ
پارلیمنٹ کو کوئی بھی آئینی ترمیم کرنے کا اختیار ہے،احسن بھون
لاہور:پاکستان کوکلئیر ویلفیئر آرگنائزیشن کا پہلا باضابطہ اجلاس،اہم فیصلے کئے گئے
پیدائشی سماعت سے محروم بچوں کے کامیاب آپریشن کے بعد”پاکستان زندہ باد” کے نعرے
