Ayesha Rehmani
اسلام آباد: سپریم کورٹ میں 8 ججز تعینات کرنے کے لیے جوڈیشل کمیشن کا اجلاس طلب کرلیا گیا، ہائیکورٹس کے پہلے 5 سینئر ججز سے بھی تعیناتیاں کی جائیں گی۔
باغی ٹی وی : سپریم کورٹ میں 8 ججز تعینات کرنے کے لیے جوڈیشل کمیشن کا اجلاس بلالیا گیا ہے، ججز تعیناتی کے لیے اجلاس 11 فروری کو دوپہر 2 بجے ہوگا،جوڈیشل کمیشن کے اجلاس میں پانچوں ہائی کورٹس سے 5، 5 سینئر ججز کے ناموں پر غور کیا جائے گا تمام ہائی کورٹس سے کل 25 ناموں پر غور ہوگا جوڈیشل کمیشن اجلاس کی صدارت چیف جسٹس یحییٰ آفریدی کریں گے،سپریم کورٹ میں اس وقت ججوں کی 8 آسامیاں خالی ہیں۔
علی امین کی جیل میں عمران خان سے ملاقات
اجلاس میں سپریم کورٹ کے سینئیر ججز جسٹس منصور علی شاہ ،جسٹس منیب اختر،جسٹس امین الدین خان ،جسٹس جمال خان مندو خیل،سینئیر ایڈووکیٹ سپریم کورٹ اختر حسین شامل ہوں گے جبکہ اجلاس میں وفاقی وزیر قانون اعظم نذیر تارڑ،اٹارنی جنرل پاکستان منصور عثمان اعوان، سینیٹر فاروق حمید نائیک،سینیٹر سید علی ظفر اور ایم این اے شیخ آفتاب احمد شامل ہوں گے-
