مظفرآباد کی وادی جہلم میں نجی اسکول کی وین بے قابو ہوکر کھائی میں گرگئی، حادثے میں 26 بچے زخمی ہوگئے۔
ایس ایس پی جہلم ویلی مرزا زاہد کےمطابق واقعہ جہلم چکارکے قریب پیش آیا، نجی اسکول وین بے قابو ہوکر کھائی میں گرگئی، چکار کے نجی اسلامیہ پبلک اسکول کی وین، جس میں لڑکے اور لڑکیاں سوار تھے، طلبہ کو ان کے گھروں کو لے جا رہی تھی جب تمبریال موڑ کے قریب حادثہ پیش آیا، اندازہ ہے کہ موڑ کاٹتے ہوئے گاڑی ڈرائیور کے کنٹرول سے باہر ہو گئی اور سڑک سے نیچے جاگری جس سے وین سوار تقریباً تمام افراد زخمی ہو گئے۔
ایس ایس پی کے مطابق، 16 زخمی بچوں کو چکار کے تحصیل ہیڈ کوارٹر ہسپتال میں داخل کرایا گیا، جبکہ ڈرائیور اور 13 بچوں کو ہٹیاں بالا کے ڈسٹرکٹ ہیڈ کوارٹر ہسپتال منتقل کر دیا گیا ہے،وین کے ڈرائیور کی شناخت سجاد شاہ کے نام سے ہوئی ہے، اور دو بچوں کی حالت تشویشناک بتائی گئی ہے، تاہم، باقی طلبہ خطرے سے باہر ہیں،اگر اونچے درخت نہ ہوتے تو وین مزید نیچے لڑھک سکتی تھی، جس کے نتیجے میں زیادہ نقصان ہوسکتا تھا۔
سابق کرکٹر محمد یوسف نے برانڈ لانچ کردیا
واضح رہے کہ چکار، آزاد کشمیر کی وادی جہلم میں واقع ایک قصبہ اور ہل اسٹیشن ہے، جو سطح سمندر سے 1607 میٹر (5272 فٹ) کی بلندی پر واقع ہے اور ریاستی دارالحکومت مظفر آباد سے تقریباً 46 کلومیٹر (29 میل) کے فاصلے پر ہے،ایک سرمائی تفریحی مقام ہونے کی وجہ سے، چکار کے تعلیمی اداروں میں دیگر علاقوں کے برعکس موسم گرما کی طویل تعطیلات نہیں ہوتیں۔
زرعی شعبے کی پیداوار میں بہتری حکومت کی اولین ترجیح ہے،وزیرِ اعظم
