باغی ٹی وی کی رپورٹ کے مطابق امریکی صدر ڈونلڈ ٹرمپ نے امریکا میں تعلیمی اداروں کو کھولنے کی تجویز دی ہے
سماجی رابطے کی ویب سائٹ ٹویٹر پر ٹویٹ کرتے ہوئے امریکی صدر ڈونلڈ ٹرمپ کا کہنا تھا کہ تعلیمی اداروں کو جلدی کھول دینا چاہئے
Schools in our country should be opened ASAP. Much very good information now available. @SteveHiltonx @FoxNews
— Donald J. Trump (@realDonaldTrump) May 25, 2020
امریکی صدر کی اس ٹویٹ پر انہین کڑی تنقید کا نشانہ بنایا جا رہا ہے اور امریکی شہریوں نے ٹرمپ کے اس فیصلے کی مخالفت کی ہے کہ جب تک کرونا کے کیسز کم نہیں ہوتے اور کرونا ختم نہیں ہوتا تعلیمی ادارے بند رہنے چاہئے
واضح رہے کہ امریکا میں کرونا بڑی تیزی کے ساتھ پھیل رہا ہے،دنیا میں کرونا کے سب سے زیادہ مریض امریکہ میں ہیں اور سب سے زیادہ ہلاکتیں بھی امریکا میں ہوئی ہیں، کرونا کی وجہ سے امریکا کی کئی ریاستوں میں لاک ڈاؤن نافذ ہے
قبل ازیں امریکی صدر ڈونلڈ ٹرمپ نے امریکہ بھر میں چرچوں سمیت تمام عبادت گاہوں کو کھولنے کا اعلان کر دیا ہے ۔ان کا تما م امریکی ریاستوں کے گورنرز سے کہنا ہے کہ اس ہفتے کے اختتام سے تمام عبادت گاہوں کو کھول دیا جائے۔ انکے مطالبے کو نہ ماننے والے ہر گورنر کو معطل کردیا جائیگا۔
متعدد امریکی ریاستوں میں کورونا وائرس کے کیسوں میں کمی واقع نہیں ہوئی ،تاہم ابھی یہ بھی واضح نہیں کہ کتنی ریاستیں اس پر عملدرآمد کریں گی
امریکا میں کورونا وائرس سے اب تک99 ہزار 300 افراد موت کے منہ میں پہنچ چکے ہیں جبکہ مریضوں کی مجموعی تعداد 16 لاکھ 86 ہزار 436ہو چکی ہے۔
امریکا کے اسپتالوں میں 11 لاکھ 35 ہزار 434 کورونا مریض زیرِ علاج ہیں جن میں سے 17 ہزار 135 کی حالت تشویش ناک ہے جبکہ 4 لاکھ 51 ہزار 702کورونا مریض اب تک شفایاب ہو چکے ہیں۔
