وزیراعظم کی ہدایت پر کراچی میں برساتی نالوں کی صفائی جاری

وزیراعظم عمران خان کی ہدایت پر کراچی میں برساتی نالوں کی صفائی کا کام جاری ہے۔ این ڈی ایم اے کے ترجمان نے کہا ہے کہ چیئرمین این ڈی ایم اے ،ایف ڈبلیو او اور دیگر اداروں سے رابطے میں ہیں۔وزیراعظم کو روزانہ کی بنیاد پر کام کی پیش رفت سے آگاہ کیا جا رہا ہے۔

ترجمان کے مطابق تین بڑے نالوں پر کل 40 مقامات پر چوک پوائنٹس تھے۔ اب تک 25 چوک پوائنٹس کو صاف کیا جا چکا ہے۔گزشتہ روز 6 ہزار ٹن سے زائد کچرا نالوں سے نکالا گیا۔

ترجمان نے مزید کہا کہ ایف ڈبلیو او گجر نالہ، کورنگی نالہ اور مواچھ گوٹھ نالہ پر کام کر رہا ہے۔ گجر نالہ پر 40،کورنگی 45 اور مواچھ گوٹھ نالہ 51 فیصد تک صاف کیا جا چکا ہے ۔