چیئرپرسن سینیٹر قرۃ العین مری کی زیر صدارت سینیٹ کی پلاننگ اینڈ ڈویلمپنٹ کمیٹی کا اجلاس ہوا
وزیر مملکت برائے پلاننگ ارمغان سبحانی، این ایچ اے اور دیگر حکام نے کمیٹی میں شرکت کی،کمیٹی نے سیکرٹری مواصلات کی عدم شرکت پر تحفظات کا اظہارکیا، چیئرپرسن سینیٹر قرۃ العین مری نے کہا کہ کمیٹی سیکرٹری مواصلات کی عدم شرکت پر وارنٹ گرفتاری جاری کر سکتی ہے،کمیٹی کو سکھر حیدرآباد، کراچی حیدرآباد موٹروے سمیت مختلف منصوبوں کے حوالے سے بریفنگ دی گئی،کمیٹی نے کراچی حیدرآباد موٹروے پر کام شروع کرنے میں تاخیر پر تحفظات کا اظہار کیا،کمیٹی نے سیکرٹری مواصلات کو آئندہ اجلاس میں طلب کرلیا، چیئرپرسن سینیٹر قرۃ العین مری نے کہا کہ سیکرٹری مواصلات آئندہ اجلاس میں شریک نہ ہوئے تو وارنٹ جاری کر سکتے ہیں،سکھر حیدرآباد موٹرو کے حوالے سے ڈیڑھ سال میں یہ 12ویں میٹنگ ہے ، رہی،
کمیٹی کو سکھر حیدرآباد موٹروے پر مئی میں کام شروع کرنے کی یقین دہانی کروائی گئی، بتایا گیا کہ سکھر حیدرآباد موٹروے کے تین سیکشنز پر مئی میں کام شروع ہوجائیگا،کمیٹی کی کوششوں کے باعث پروجیکٹ میں بہت پیشرفت ہوئی ہے، چیئرپرسن سینیٹر قرۃ العین مری نے کہا کہ موٹروے پر پہلے اگست پھر مارچ اور اب مئی کی تاریخ دی جا رہی ہے،یقینی بنایا جائے کہ سکھر حیدرآباد موٹروے پر کام شروع کرنے میں مزید تاخیر نہ ہو،
