لاہور: چینی بحران میں غلط بیانی پر نگران وزیراعلیٰ پنجاب نے سیکرٹری خوراک کو عہدے سے ہٹا دیا۔
باغی ٹی وی: ذرائع کے مطابق نگران وزیراعلیٰ پنجاب محسن نقوی نے اس معاملے پر چیئرمین چیف منسٹر انسپیکشن ٹیم کو انکوائری کا حکم دے دیا سیکرٹری آب پاشی واصف خورشید کو سیکرٹری خوراک پنجاب کا اضافی چارج دے دیا گیا ہے۔
دوسری جانب فیڈریشن آف پاکستان چیمبر آف کامرس اینڈ انڈسٹری (ایف پی سی سی آئی) کے صدر عرفان اقبال شیخ اور بزنس مین پینل کے چیئرمین انجم نثار پریس کانفرنس کے دوران نگراں وفاقی وزیر تجارت پر الزام لگایا کہ گوہر اعجاز فیڈریشن کے خلاف سازشیں کر رہے ہیں، جو ان کے منصب کے شایان شان نہیں۔
ذخیرہ اندوزوں کے خلاف آپریشن،چینی کے ساڑھے 5 ہزار سے زائد بیگ برآمد
بزنس مین پینل کے چیئرمین انجم نثار نے کہا کہ گوہر اعجاز نگراں صوبائی وزیر ایس ایم تنویر کے ساتھ ملکر اصل کام کی بجائے سیاست کر رہے ہیں گوہر اعجاز نے ڈی جی ٹریڈ آفس سے ایک لیٹر کے ذریعے فیڈریشن کے الیکشن کو متنازعہ قرار دیا ہےاگر ان افراد کو سیاست ہی کرنی ہے تو وزارتوں سے استعفے دیں۔
ایف پی سی سی آئی کے صدر عرفان اقبال شیخ نے کہا کہ ڈی جی ڈی ٹی او کا لیٹر بزنس کمیونٹی کی توہین کے مترادف ہے۔ ’سابق صدر ایل سی سی آئی محمد علی میاں نے گوہر اعجاز کے استعفے کا مطالبہ کیا-
ایف پی سی سی آئی پنجاب ریجن کے چیئرمین ندیم قریشی، سابق نائب صدر ایل سی ڈی آئی فہیم سہگل اور دیگر نے بھی ڈی جی ڈی ٹی او لیٹر کو مسترد کرتے ہوئے اسے واپس لینے کا مطالبہ کیا۔
