سرگودھا:ٹرانسپوٹرز عید الفطر پر پبلک ٹرانسپورٹ میں مقررہ کرایوں کی وصولی کو یقینی بنائیں,سیکرٹری آر ٹی اے

سرگودھا ،باغی ٹی وی( ادریس نواز چدھڑ سے ) ٹرانسپوٹرز عید الفطر پر پبلک ٹرانسپورٹ میں مقررہ کرایوں کی وصولی کو یقینی بنائیں ۔ سیکرٹری آر ٹی اے

تفصیلات کے مطابق سیکرٹری ریجنل ٹرانسپورٹ اتھارٹی سرگودھا ملک طاہر کی سربراہی میں عید الفطر کے موقع پر مسافروں سے کرایوں کی اوور چارجنگ اور اوورلوڈنگ کی روک تھام کیلئے اجلاس منعقد ہوا ۔

جس میں ضلع بھر کے ٹرانسپورٹرز حضرات نے شرکت کی ۔ سیکرٹری آر ٹی اے نے کہا کہ ٹرانسپوٹرز عید الفطر پر پبلک ٹرانسپورٹ میں مقررہ کرایوں کی وصولی کو یقینی بنائیں ۔ نیز ہر بس و ویگن اڈے پر کرایہ نامہ نمایاں جگہوں پر آویزاں کیا جائے ۔

روٹ پرمنٹ اور فٹنس سرٹیفکییٹ کے بغیر کوئی گاڑی چلنے نہیں دی جائیگی ۔ اڈوں پر صفائی اور ڈینگی کے خاتمہ کیلئے بھی اقدامات ہونے چاہیئں ۔