پولیس، سی ٹی ڈی اور رینجرز نے کوتانہ تل کے علاقے میں مشترکہ آپریشن کیا جہاں دہشتگردوں سے شدید فائرنگ کا تبادلہ ہوا۔
پولیس ترجمان کے مطابق پنجاب اور خیبرپختونخوا کی سرحدی پٹی پر تونسہ شریف کے مقام پر قانون نافذ کرنے والے اداروں نے دہشت گردی کے خلاف بڑی کارروائی کرتے ہوئے دو خوارجی دہشتگردوں کو ہلاک کر دیا،دہشتگرد بھاری اسلحے، راکٹ لانچرز اور ہینڈ گرنیڈ سے لیس تھے کارروائی کے دوران دو دہشتگرد مارے گئے جبکہ متعدد زخمی حالت میں فرار ہوگئے، فائرنگ کے شدید تبادلے کے دوران دہشتگرد جھاڑیوں کی آڑ لے کر پسپائی اختیار کر گئے۔
مقابلے میں ایلیٹ فورس کے اہلکار عدنان حبیب اور سی ٹی ڈی کے اہلکار غضنفر شدید زخمی ہوئے جنہیں فوری طبی امداد کے لیے قریبی اسپتال منتقل کر دیا گیا علاقے میں سرچ آپریشن تاحال جاری ہے تاکہ زخمی دہشتگردوں اور ان کے سہولت کاروں کو تلاش کیا جا سکے۔
پنجاب میں خواتین کے قتل، زیادتی، اغوا ور تشدد کے واقعات میں نمایاں اضافہ
