بہاولپور: تحصیل اوچ شریف کے علاقے بیٹ بکھری میں کشتی الٹ گئی۔
ریسکیو حکام کے مطابق اوچ شریف میں الٹنے والی کشتی میں 3 افراد سوار تھے جنہیں بروقت ریسکیو کرلیا گیا جب کہ نجی کشتی کو قبضے میں لے لیا گیا ہے،نجی کشتی میں سوار لوگ اپنے گھروں میں مقیم لوگوں کے لیے کھانا لے کرجارہے تھے۔
دوسری جانب ڈسٹرکٹ ایمرجنسی آفیسر کا بتانا ہے کہ جلال پورپیروالا سے آنے والاسیلابی پانی تحصیل احمدپور شرقیہ کے دریائی علاقوں میں داخل ہورہا ہے اور احمد پور شرقیہ کے 100 سے زائد دیہات زیر آب ہیں، متاثرہ علاقوں میں ابھی بھی ریسکیو آپریشن جاری ہے تاہم بہت سے لوگ اب بھی اپنے گھروں میں موجود ہیں اورنکلنے کو تیار نہیں ہیں۔
تنقید سے ہمارے حوصلے پست نہیں ہوں گے، مرتضیٰ وہاب
قبل،ازیں،ملتان کی تحصیل جلالپور پیر والا میں سیلاب متاثرین کی کشتی الٹ گئی،تھی،کشتی میں 19 افراد سوار تھے، 18 افراد کو بچا لیا گیا تھا،کشتی اوباڑو جنوبی قائد ملت اسکول کے قریب حادثے کا شکار ہوئی، حادثےکا شکار ہونے والی کشتی نے سیلاب متاثرین کو موضع دراب پور سے ریسکیو کیا تھامظفرگڑھ کی تحصیل علی پور کےعلاقےلتی ماڑی میں بھی سیلاب متاثرین کی کشتی الٹی تھی۔
ریسکیو حکام کے مطابق کشتی میں 10 سے زائد افراد سوار تھے، مزید ایک شخص نےکشتی میں لٹکنے کی کوشش کی تو کشتی اپنا توازن کھو کر الٹ گئی، خوش قسمتی سےکوئی جانی نقصان نہیں ہوا اور تمام افراد کو بحفاظت ریسکیو کرلیا گیا،ادھر بہاولنگر کی بستی کلر والی کےمقام پردریائےستلج میں 12 سال کابچہ ڈوب کرجاں بحق ہو گیا۔
خیبرپختونخوا آئل اینڈ گیس کمپنی سے متعلق آڈٹ رپورٹ سامنے آگئی
