گھوٹکی:جرائم پیشہ افراد کے خلاف بڑا آپریشن، گھر نذر آتش، متعدد گرفتار
![](https://baaghitv.com/wp-content/uploads/2024/09/Ghotki-opration.jpg)
میرپورماتھیلو(باغی ٹی وی نامہ نگارمشتاق لغاری)گھوٹکی کے علاقے سہانجڑو بوزدار میں ڈکیتی کے دوران ایک شخص کے قتل کے واقعے کے بعد پولیس نے جرائم پیشہ افراد کے خلاف بڑا آپریشن شروع کردیا ہے۔
ڈی ایس پی میرپور ماتھیلو عبدالقادر سومرو کی سربراہی میں مختلف تھانوں کی پولیس نے سہانجڑو بوزدار، پیر بری اور دیگر علاقوں کو گھیرے میں لے لیا ہے۔ پولیس نے جرائم پیشہ افراد کے گھروں کو نذر آتش کرنے کے علاوہ متعدد مشتبہ افراد کو بھی حراست میں لیا ہے۔
ایس ایس پی گھوٹکی سمیر نور چنہ کا کہنا ہے کہ جرائم پیشہ عناصر کو مکمل طور پر ختم کرنے تک یہ آپریشن جاری رہے گا۔ انہوں نے عوام سے اپیل کی ہے کہ وہ پولیس کو تعاون کریں تاکہ علاقے میں امن و امان بحال کیا جا سکے۔