وفاقی حکومت نے مالی سال 2025-26 کے پبلک سیکٹر ڈیولپمنٹ پروگرام (پی ایس ڈی پی) کے تحت صحت کے شعبے کے 21 منصوبوں کو مکمل کرنے کے لیے 14.3 ارب روپے کا بجٹ جاری کیا ہے۔
وفاقی وزیر خزانہ محمد اورنگزیب نے قومی اسمبلی میں بجٹ پیش کرتے ہوئے بتایا کہ اس رقم سے صحت کے شعبے میں بنیادی ڈھانچے کی بہتری، حفاظتی اقدامات کو فروغ اور معیاری طبی سہولیات کی فراہمی کو یقینی بنایا جائے گا۔بجٹ دستاویزات کے مطابق، ٹیچنگ ہسپتالوں اور ٹرشری کیئر سہولیات کے لیے 14 ارب روپے سے زائد فنڈز دیے گئے ہیں، جن سے ہسپتالوں اور طبی مراکز کو جدید طبی آلات فراہم کیے جائیں گے۔
مزید برآں، اس فنڈ کے ذریعے وفاقی دارالحکومت اسلام آباد میں ایک نیا کینسر ہسپتال بھی قائم کیا جائے گا اور صحت کی دیکھ بھال کی سہولیات کو اپ گریڈ کر کے بہتر طبی خدمات فراہم کی جائیں گی۔صحت کے لیے مختص فنڈز سے ملک بھر میں ہیپاٹائٹس سی اور شوگر کی اسکریننگ اور علاج کے اخراجات بھی پورے کیے جائیں گے۔
وفاقی حکومت نے 2025-26 کا 17.5 کھرب روپے کا بجٹ پیش کردیا
پیٹرولیم مصنوعات پر فی لیٹر 2.50 روپے کاربن لیوی عائد کرنے کا اعلان