اسلام آباد: پاکستان کے پارلیمانی نظام کا اہم ستون سینیٹ کا 96 رکنی ایوان مکمل ہو گیا ہے۔ حالیہ انتخابات کے بعد قومی سطح پر سیاسی جماعتوں کے درمیان نشستوں کی تقسیم کا توازن واضح ہو گیا ہے۔
نئی تشکیل شدہ سینیٹ میں پاکستان پیپلز پارٹی (پی پی پی) نے 26 نشستوں کے ساتھ سب سے زیادہ نشستیں حاصل کر کے پہلی پوزیشن حاصل کی ہے۔ پاکستان تحریک انصاف (پی ٹی آئی) 24 نشستوں کے ساتھ دوسرے نمبر پر ہے جبکہ پاکستان مسلم لیگ ن (ن لیگ) 20 نشستوں کے ساتھ تیسرے نمبر پر رہی۔
جمعیت علمائے اسلام فضل الرحمن کی پارٹی (جے یو آئی-ف) 7 نشستیں، آزاد امیدواروں نے 6 نشستیں، بلوچستان عوامی پارٹی (بی اے پی) کو 4 نشستیں، متحدہ قومی موومنٹ (ایم کیو ایم) 3 نشستیں، عوامی نیشنل پارٹی (اے این پی) 3 نشستیں، نیشنل پارٹی کو 1 نشست، قائد لیگ (ق لیگ) 1 نشست اور مجلس وحدت المسلمین کو بھی 1 نشست حاصل ہوئی ہے۔
سینیٹ کی اس نئی تشکیل کے بعد قومی اسمبلی میں مختلف سیاسی جماعتوں کی قوت اور پالیسی سازی میں ان کے اثرات مزید نمایاں ہوں گے۔ اس ایوان کی مکمل ہونے سے ملکی سیاسی منظرنامہ اور بھی دلچسپ اور متحرک ہو جائے گا، جہاں پارلیمانی ڈائیلاگ اور قانون سازی کا عمل جاری رہے گا۔سینیٹ پاکستان کا ایوان بالا ہے جو صوبوں کی نمائندگی کرتا ہے اور اس کا بنیادی مقصد وفاقی نظام کو مضبوط بنانا اور صوبوں کے حقوق کا تحفظ کرنا ہے۔
