الیکشن کمیشن آف پاکستان نے سینیٹ کی خالی جنرل نشست پر ضمنی انتخاب کے لیے شیڈول جاری کر دیا ہے۔
باغی ٹی وی کے مطابق یہ نشست پاکستان مسلم لیگ (ن) سے تعلق رکھنے والے سینیٹر ساجد میر کے انتقال کے باعث خالی ہوئی تھی۔ الیکشن کمیشن کے مطابق پنجاب سے سینیٹ کی اس خالی نشست پر پولنگ 29 مئی 2025 کو ہو گی۔ امیدواروں کے کاغذاتِ نامزدگی 14 اور 15 مئی کو جمع کرائے جا سکیں گے، جبکہ کاغذات کی جانچ پڑتال (اسکروٹنی) 17 مئی کو کی جائے گی۔
الیکشن کمیشن نے متعلقہ اداروں کو انتخابی عمل سے متعلق ضروری انتظامات کی ہدایت جاری کر دی ہے۔ یہ انتخاب پنجاب اسمبلی کے ارکان کی جانب سے خفیہ رائے شماری کے ذریعے مکمل کیا جائے گا۔یاد رہے کہ سینیٹر ساجد میر ممتاز دینی و سیاسی شخصیت تھے، اور ان کے انتقال کے بعد سینیٹ میں یہ جنرل نشست خالی ہوئی تھی، جس پر اب باضابطہ انتخاب کا اعلان کر دیا گیا ہے۔
مودی کی ساکھ بچانے کے لیے بوکھلاہٹ میں تقریر کی، خواجہ آصف
بھارت کی جانب سے جھوٹے الزامات کو پاکستان نے مسترد کر دیا
یہ گلشن سدا سلامت رہے .تحریر:فیصل رمضان اعوان
عالمی منڈی میں خام تیل کی قیمتوں میں اضافہ
