یکم ستمبر سے پیٹرولیم مصنوعات کی قیمتوں میں اضافے کی تجویز

باغی ٹی وی کی رپورٹ کے مطابق یکم ستمبر سے پیٹرولیم مصنوعات کی قیمتوں میں اضافے کی تجویز سامنے آئی ہے

اوگرا کی جانب سے سمری پیٹرولیم ڈویژن کو بھجوادی گئی ہے،پیٹرول کی قیمت میں 7  اور ڈیزل کی قیمت میں 8 روپے فی لیٹر تک اضافے کی تجویز دی گئی ہے،اوگرا نے مٹی کے تیل اور لائٹ ڈیزل آئل کی قیمتوں میں بھی اضافے کی تجویز دی ہے،

پٹرولیم مصنوعات کی قیمتوں میں اضافے پر حتمی فیصلہ وزارت خزانہ وزیراعظم کی مشاورت سے کرے گی,

قبل ازیں بتایا گیا تھا کہ ستمبر سے ہر 15 دن بعد پیٹرول کی قیمتوں میں ردو بدل کرنے کا فیصلہ، اقتصادی رابطہ کمیٹی (ای سی سی) کے فیصلے کے مطابق 15روزہ بنیاد پر پیٹرولیم قیمتوں کا تعین اگلے ماہ سے کیا جائے گا، رواں ماہ اگست کے اختتام تک موجودہ پیٹرولیم قیمتیں برقرار رہیں گی اور 15 روزہ بنیاد پرتیل کی قیمتوں کا تعین یکم ستمبرسےشروع ہوگا۔

خیال رہے کہ 28 جولائی کواقتصادی رابطہ کمیٹی(ای سی سی) نے پیٹرولیم مصنوعات کی قیمتوں میں ہر 15 روز بعد ردوبدل کی منظوری دے دی تھی

پٹرول و ڈیزل کی قیمتوں کا تعین نئی پالیسی کے تحت کیا جائے گا، دیگر پٹرولیم مصنوعات کی قیمتوں کا تعین موجودہ طریقہ کار کے تحت ہوگا۔ پیٹرول و ڈیزل کی قیمت کا تعین خام تیل کی 14 روز کی قیمت کی اوسط نکال کر کیا جائے گا۔

ان دستاویز میں بتایا گیا ہے کہ پی ایس او پیٹرول کی خریداری کیلئے طویل مدتی معاہدے کرے گا، پیٹرول و ڈیزل پر ٹیکسوں، لیویز کے ریٹس مروجہ شرح کے مطابق ہوں گے، تیل کی درآمد کے اخراجات کا تعین ہونےکے بعد آئندہ 15 روز میں شامل کیا جاسکے گا، ڈالر کی قدر کا تعین پی ایس او کیلئے دستیاب عبوری قیمت کے مطابق ہی کیا جائے گا، پی ایس او کے تیل درآمد کے اخراجات دستیاب نہ ہونے پرسابقہ ماہ کے ریٹس پر ہی قیمت کا تعین ہو گا.

رواں مالی سال کے دوران گیس کی کل کھپت 3969ملین مکعب فٹ یومیہ تھی جبکہ اسی دوران قدرتی گیس کی کل فراہمی 4,319ملین مکعب فٹ رہی جس میںسے یوٹیلٹی کمپنیوں نے 2,379ملین مکعب فٹ ،انڈیپنڈنٹ سسٹم نے 1,040ملین مکعب فٹ گیس فراہم کی جبکہ 901ملین مکعب فٹ RLNGدرآمد کی گئی تھی۔گیس یوٹیلٹی کمپنیوں نے اپنے صارفین کی طلب کو پورا کرنے کیلئے اپنی ترسیل اور تقسیم کے نیٹ ورک کو توسیع دی ۔مالی سال 2018-19کے دوران سوئی ناردرن گیس پائپ لائنز لمیٹڈ نے اپنے ترسیل کے نیٹ ورک میں 81کلو میٹر جبکہ سوئی سدر ن گیس پائپ لائنز لمیٹڈ نے 24کلو میٹر کا اضافہ کیا ۔