گوجرہ : زیر حراست ملزم کو چھڑانے کی کوشش,نقاب پوش ساتھیوں کی فائرنگ سے ملزم شدیدزخمی

گوجرہ ، باغی ٹی وی (نامہ نگار چوہدری عبدالرحمن جٹ) زیر حراست ملزم کو چھڑانے کی کوشش,نقاب پوش ساتھیوں کی فائرنگ سے ملزم شدیدزخمی
تفصیل کے مطابق ڈکیتی کے مقدمہ میں زیر حراست ملزم کو ساتھیوں کی چھڑانے کی کوشش،نقاب پوش ساتھیوں کی فائرنگ سے ملزم شدیدزخمی ہو گیا۔شدید زخمی کوتحصیل ہیڈ کوارٹرز ہسپتال گوجرہ منتقل کر دیا گیا۔فرارملزمان کی تلاش جاری۔معلوم ہواہے کہ سٹی پولیس گوجرہ کوٹ بہادر تحصیل احمد پور سیال ضلع جھنگ کے رہائشی مقدمہ نمبر419/22 میں زیر حراست ملزم عامر شہزاد کو ریکوری کیلئے مونگی بنگلہ روڈپر چک نمبر 370ج ب کے قریب لے کر جارہی تھی کہ راستہ میں زیر حراست ملزم کے موٹر سائیکل سوار چار نامعلوم ساتھی آگئے جنہوں نے اپنے ساتھی عامر شہزاد کو چھڑانے کی کوشش میں فائرنگ کی تو عامر شہزادشدیدزخمی ہوگیا۔پولیس کی جانب سے حفاظت خود اختیاری وملزم سکیورٹی کیلئے فائرنگ کی توحملہ آور ملزمان موقع سے فائرنگ کر تے ہو ئے فرارہونے میں کامیاب ہو گئے۔شدیدزخمی کو فوری طور پر تحصیل ہیڈ کوارٹرزہسپتال منتقل کر دیا گیا جہاں اسے طبی امدادکی فراہمی جاری ہے سٹی پولیس نے ملزمان کے خلاف مقدمہ درج کرکے ان کی تلاش میں چھاپے مارنے شروع کر دئیے ہیں۔تاحال کسی ملزم کی گرفتاری کی اطلاع موصول نہیں ہو سکی ہے۔