تہران: ایران نے ملکی سطح پر تیار تحقیقی سیٹلائٹ کامیابی سے خلا میں بھیج دیا جس کے سگنلز بھی موصول ہونا شروع ہوگئے،ایران نے رواں برس بھی جنوری میں اپنے 3 سیٹیلائٹ خلا میں روانہ کیے تھے۔
باغی ٹی وی : ایرانی سرکاری خبر ایجنسی کے مطابق سیٹلائٹ کو ایران کی پاسداران انقلاب کور نے تیار کیا ہےایرانی ساختہ راکٹ کے ذریعے 60 کلو گرام وزنی چمران ون سیٹیلاٹ خلا میں روانہ کیا گیا ایران کا سیٹیلائٹ خلا میں بھیجنے کا مقصد بلندی پر ہارڈویئر اور سافٹ ویئر سسٹم کی ٹیسٹنگ کرنا ہے، دوسرا مقصد خلائی نظام اور نیویگیشن کی کارکردگی کا معائنہ بھی شامل ہے،وہ مزید تیرہ سیٹلائٹ بھی جلد خلا میں بھیجے گا۔
