fbpx

شاہ رخ خان کی فلم کے عملے کا کورونا ٹیسٹ مثبت، اداکار نے خود کو آئسولیٹ کر لیا

بالی اداکار شاہ رخ خان کی آنے والی فلم ’پٹھان‘ کے عملے کا کورونا ٹیسٹ مثبت آگیا-

باغی ٹی وی :بھارتی میڈیا کے مطابق شاہ رخ خان پچھلے کچھ عرصے سے فلم ’پٹھان‘ کی شوٹنگ میں مصروف ہیں تاہم ان کی شوٹنگ کے عملے کے چند لوگوں میں کورونا ٹیسٹ مثبت آنے کے بعد فلم کی شوٹنگ دو روز کے لیے روک دی گئی ہے اور شاہ رخ خان نے احتیاطی اقدام کے طور پر خود کو آئسو لیٹ کرلیا ہے۔

میڈیا رپورٹس کے مطابق یش راج پروڈکشن اور فلم کے ارکان کورونا ایس او پیز پر سختی سے عمل کررہے ہیں فلم کے سیٹ پر بھی عملے کا باقاعدگی کے ساتھ ٹیسٹ کیاجاتا ہے اور فلم کے تمام ممبران ایک ہوٹل میں مقیم ہیں ان لوگوں کو ہوٹل سے سیٹ تک لے جانے والے لوگوں کا بھی ٹیسٹ کیا جاتا ہے۔

جبکہ دوسری جانب کچھ بھارتی ذرائع ابلاغ کا اوپر کی مذکورہ خبروں کی تردید کرتے ہوئے کہنا ہے کہ شاہ رخ خان کی سیلف آئسولیشن میں جانے کی خبریں بے بنیاد ہیں فلم کی شوٹنگ جاری ہے ہاں پیر اور منگل کو شوٹنگ سے دو دن کا بریک لیاگیا تھا۔

فلم ’پٹھان‘ میں شاہ رخ خان کے علاوہ دپیکا پڈوکون اور جان ابراہیم بھی اہم کرداروں میں نظر آئیں گے فلم 2022 میں ریلیز کیے جانے کا امکان ہے-

جواب چھوڑیں

آپ کا ای میل ایڈریس شائع نہیں کیا جائے گا.