میرپور خاص (باغی ٹی وی نامہ نگار سید شاہزیب شاہ کی رپورٹ )ذکر مصطفی صلی اللہ علیہ والہ وسلم عید میلاد النبی کی مناسبت گورنمنٹ شاہ ولی اللہ ہائی اسکول میں پروگرام کا انعقاد کیا گیا جس میں مہمان خصوصی بین المذاہب ہم آہنگی کونسل سندھ کے نائب صدر وچیئرمین حاجی محمد علی جبکہ دیگر مہمان گرامی میں چیئرمین عبدالسلیم خان،شاکر حسین شاکر اور دیگر مہمان رونق ک محفل رہے
پروگرام کا آغاز باقاعدہ تلاوت کلام پاک اور نعت رسول مقبول سے شروع کیا گیا نظامت کے فرائض عبدالجبار قادری نے انجام دیے ،اس پر رونق روحانی تقریب میں بچوں کے مابین نعت کے مقابلے منعقد ہوئے مہمانان گرامی کی آمد پر گسٹا یونین کے روح رواں محمد اسماعیل نہڑی نے آے والے تمام مہمان گرامی کو سندھ کا روایتی تحفہ اجرک پیش کیا اور آمد پر شکریہ ادا کیا دوران محفل طالب علموں نے اپنے منفرد انداز میں نعت پیش کی جس پر چیئرمین حاجی محمد علی نے اپنی جانب سے طلبہ کی حوصلہ افزائی کے لیے نقدانعام سے نوازا۔
چیئرمین حاجی محمد علی نے اپنے مختصر خیالات کا اظہار کرتے ہوئے کہا مجھے اس اسکول میں آکر بڑی خوشی محسوس ہوئی کیونکہ میں نے بھی اس سکول سے تعلیم حاصل کی ہے اور کہا کہ حضور صلی اللہ علیہ والہ وسلم آخر ی نبی ہے ان کے بعد کوئی دوسرا نبی نہیں آئے گا ،سچ بولیں اپنے اساتذہ کی عزت کریں کیونکہ سچے آدمی کی عزت ہے جھوٹ بولنا اور منافقت مسلمان کا شیوا نہیں آخر میں پوزیشن لینے والے طلبہ میں ٹرافی میڈلز تقسیم کیے گئے۔