لاہور : پاکستان سے نکل جانے کے کیخلاف درخواست شہبازشریف نے واپس لے کرسب کوحیران کردیا ،اطلاعات کے مطابق قومی اسمبلی میں اپوزیشن لیڈر اور پاکستان مسلم لیگ ن کے صدر شہباز شریف نے بیرون ملک جانے کی اجازت دینے سے متعلق فیصلے پر عمل درآمد کی درخواست واپس لینے کا فیصلہ کرلیا۔
یہ بھی معلوم ہوا ہے کہ شہبازشریف نے بیرون ملک جانے کی اجازت دینے سے متعلق فیصلے پر عمل درآمد کی کی درخواست واپس لینے کا فیصلہ کر لیا، فیصلے پر عملدرآمد کی درخواست واپس لینے کے لیے لاہور ہائیکورٹ سے رجوع کیا گیا ہے۔
پارٹی ذرائع کے مطابق شہباز کی جانب سے ان کے وکیل اعظم نذیر تارڑ اور امجد پرویز ایڈووکیٹ نے درخواست دائر کی، جس میں کہا گیا ہے کہ شہباز شریف کا نام ایگزٹ کنٹرول لسٹ (ای سی ایل) میں وفاقی حکومت نے شامل کر دیا، نام ای سی ایل میں شامل ہونے کے باعث درخواست واپس لینا چاہتے ہیں۔
شہبازشریف کے وکیل اعظم نذیرتارڑ اورامجد پرویزایڈووکیٹ کی طرف سے درخواست میں یہ عرض کی گئی ہے کہ عدالت نے 26مئی کے لیے عمل درآمد کیس میں نوٹسز جاری کررکھے ہیں لیکن ہم عمل درآمد سے متعلق درخواست کی پیروی نہیں کرنا چاہتے، اس لیے عدالت درخواست واپس کرے، شہباز شریف کی درخواست پر جسٹس علی باقر نجفی 24 مئی کو سماعت کریں گے
یاد رہے کہ اس سے پہلے پاکستان مسلم لیگ ن کے صدر شہباز شریف کا نام حکومت کی طرف سے ای سی ایل میں ڈالا گیا تھا جس کے خلاف قومی اسمبلی میں اپوزیشن لیڈر نے عدالت سے رجوع کیا تھا
