شہباز شریف کی جاتی امرا آمد، نواز شریف کی جنگ میں کامیابی پر مبارک باد

لاہور:وزیراعظم پاکستان شہباز شریف جاتی امرارائے ونڈ پہنچ گئے جہاں انہوں نے صدر مسلم لیگ ن میاں نواز شریف سے ملاقات کی، ملاقات میں وزیراعلیٰ پنجاب مریم نواز بھی شریک تھیں۔

پارٹی ذرائع کے مطابق ملاقات میں آپریشن بنیان مرصوص کی کامیابی اور ملکی سلامتی کے امور پر تبادلہ خیال کیا گیا، ملاقات میں قومی یکجہتی کو قائم رکھنے اور ملکی سیاسی و معاشی صورتحال پر بھی غور ہوا،وزیراعظم نے نوازشریف کو بھارت کیساتھ سیز فائر کے بعد کی صورتحا ل سے آگاہ کیا۔

ذرائع کے مطابق سابق وزیراعظم نواز شریف نے تینوں مسلح افواج کے سربراہان کوبھارت کیخلاف جنگ جیتنے پر مبارکباد پیش کی کہا کہ چین،ترکیے، آذربائیجان نے مشکل وقت میں پاکستان کیساتھ دوستی کا حق ادا کیا،پاکستان کی بہادر فورسز نے عالمی سطح پر پاکستان کا سر فخر سے بلند کر دیا ہے۔

نواز شریف نے کہا کہ بھارت کی کسی بھی جارحیت سے نمٹنے کیلئےدفاعی نظام کو ہمہ وقت تیار رکھا جائے، بھارت کے جنگی جنون نے خطے کے امن و سلامتی کو داو پر لگا دیا ہے پاک فضائیہ نے بھارت کے غرور گھمنڈ کو گھر بیٹھے خاک میں ملا دیا،ن لیگ نے ایٹمی دھماکے اور اب جنگ جیت کر کے ثابت کر دیا پاکستان کا دفاع ہم بہتر کرنا جانتے ہیں-