شہید کانسٹیبل انضمام الحق کی نماز جنازہ پولیس لائنز سیالکوٹ میں ادا کر دی گئی.

سیالکوٹ،باغی ٹی وی (سٹی رپورٹرشاہد ریاض) شہید کانسٹیبل انضمام الحق کی نماز جنازہ پولیس لائنز سیالکوٹ میں ادا کر دی گئی.
:نماز جنازہ میں ڈی پی او محمد حسن اقبال ، ڈپٹی کمشنر عدنان محمود، اعلیٰ فوجی و پولیس افسران ، وکلاء اور صحافی سمیت سول سوسائٹی کی کثیر تعداد میں شرکت.

شہید کے جسد خاکی کو پورے اعزاز کے ساتھ پولیس لائنز لایا گیا. راستہ میں شہریوں نے فرض کی خاطر جان قربان کرنے والے شیر جوان کا شایان شان استقبال کیا. شہر کے اہم چوراہوں اور شاہراہوں پر شہید کے قافلے پر بھرپور گل پاشی کی گئی جبکہ پولیس کے افسران و جوانوں نے شہید کو سلامی پیش کی، ڈی پی او ، ڈی سی و فوجی اعلیٰ افسران نے شہید کے جسد خاکی پر پھولوں کی چادر چڑھائی.

:پولیس کے چاق و چوبند دستے نے شہید کو سلامی پیش کی، شہید کی بلندی درجات کیلئے دعا کی گئی،ڈی پی او سیالکوٹ محمد حسن اقبال نے شہید انضمام الحق کے بھائی اور والد سے ملاقات کی اور ان کی دھاڑس بندھائی .پولیس کے بہادر سپوت انضمام الحق کی قربانی رائیگاں نہیں جانے دی جائے گی،

ڈی پی او سیالکوٹ نے کہا کہ واقعہ میں ملوث ملزمان کو جلد از جلد گرفتار کر کے کیفر کردار تک پہنچایا جائے گا، پوری قوم شہداء اور ان کی فیملیز کی قرضدار ہے شہید کے ورثاء کا ہر طرح سے خیال رکھا جائے گا.،نماز جنازہ کے بعد شہید کا جسد خاکی تدفین کیلیے آبائی گاؤں دھیدووالی روانہ کر دیا گیا.