پاکستان کرکٹ ٹیم کے فاسٹ بولر شاہین آفریدی نے قومی ٹیم کا نائب کپتان بننے سے انکار کردیا ہے
ذرائع کے مطابق ٹی ٹوئنٹی ورلڈ کپ کیلئے شاہین آفریدی کو نائب کپتانی کی پیشکش کی گئی تھی جو شاہین آفریدی نے ٹھکرا دی ہے، شاہین آفریدی کو سیلیکشن کمیٹی نے آفر کی تھی،میڈیا رپورٹس کے مطابق شاہین آفریدی نائب کپتانی کے خواہشمند نہیں ہیں، اسکے بعد محمد رضوان اب نائب کپتانی کے لئے مضبوط امیدوار کے طور پر سامنے آئے ہیں
واضح رہے کہ حال ہی میں شاہین آفریدی کو کپتان بنا کر ہٹادیا گیا تھا اور کپتانی ایک بار پھر بابر اعظم کو دے دی گئی تھی، اگلے ہفتے سے امریکا اور آسٹریلیا میں ٹی ٹوئنٹی ورلڈ کپ کا آغاز ہونے جارہا ہے،پاکستان اپنا پہلا میچ 6 جون کو میزبان امریکہ کے خلاف کھیلے گا۔پاکستان اور انڈیا کے درمیان میچ 9 جون کو نیویارک میں کھیلا جائے گا۔ پاکستان اور کینیڈا 11جون کو مدمقابل ہونگے۔16 جون کو پاکستان آخری گروپ میچ آئرلینڈ کے خلاف کھیلے گا۔
