سابق وزیراعظم ، مسلم لیگ ن کے رہنما شاہد خاقان عباسی کے گرد نیب نے گھیرا تنگ کر لیا
باغی ٹی وی کی رپورٹ کے مطابق نیب نے سابق وزیراعظم شاہد خاقان عباسی کے گرد گھیرا تنگ کرنا شروع کر دیا ہے اس سلسلہ میں نیب نے شاہد خاقان عباسی کے فرنٹ مین کو طلب کر لیا ہے. نیب کی جانب سے جاری اعلامیے کے مطابق نیب نے شاہد خاقان عباسی کے فرنٹ مین حافظ عثمان کو 17 جون کو طلب کیا ہے. نیب نے حافظ عثمان کو زمین کے معاہدوں کی تفصیلات اور ریکارڈ ساتھ لانے کا کہا ہے. نیب نے حافظ عثمان کو اسلام آباد دفتر میں طلب کیا ہے .
واضح رہے کہ نیب نے سابق صدر آصف زرداری کو اسلام آباد سے گرفتار کیا ہوا ہے جبکہ مسلم لیگ ن کے رہنما حمزہ شہباز کو لاہور سے گرفتار کیا ہے، دونوں کی ضمانتوں میں توسیع عدالت نے مسترد کی تھی.
