لاہور: نگران وزیراطلاعات پنجاب عامر میر نے مسلم لیگ ن کے رہنما اور سابق وزیراعظم شاہدخاقان عباسی کے الزام پر رد عمل دیا ہے۔
باغی ٹی وی : نگران وزیر اطلاعات پنجاب عامر میر کا کہنا تھا کہ مفت آٹا اسکیم میں ایک پائی کی بھی کرپشن نہیں ہوئی الزام لگانے والوں کی اپنی ساکھ مجروح ہوئی، آٹااسکیم پنجاب کی تاریخ کی کامیاب ترین اسکیم رہی، اسکیم سے پنجاب کے 3 کروڑ مستحق لوگوں نے فائدہ اٹھایا۔
مفت آٹے کی تقسیم میں 20 ارب کی کرپشن ہوئی ہے،شاہد خاقان
عامر میر کا کہنا تھا کہ آٹااسکیم کو وفاقی اور پنجاب حکومت نےمل کر فنڈکیا، آٹااسکیم کوپارٹی کی اندرونی سیاست کی بھینٹ چڑھانا سراسر زیادتی ہےشاہدخاقان عباسی یا تو معذرت کریں یا ثبوت مہیا کریں،نگران پنجاب حکومت پرالحمداللہ کوئی کرپشن کا الزام نہیں لگا سکتا، نگران پنجاب حکومت ایک ایک پائی کا حساب دے سکتی ہے۔
اے آئی چیٹ بوٹس کسی انسان جتنے ہی اچھے استاد ثابت ہو سکتے ہیں،بل گیٹس
خیال رہے کہ گزشتہ روز لاہور میں تقریب سے خطاب کرتے ہوئےشاہد خاقان عباسی کا کہنا تھا کہ یہ نظام اتنا کرپٹ اور فرسودہ ہوچکا ہے کہ ڈلیور نہیں کرسکتا، ہم نے 84 ارب روپے آٹے کی مد خرچ کیا، اس میں 20 ارب کی کرپشن ہوگی، ملک کے مسائل کی وجہ لیڈر شپ اور نظام کی ناکامی ہے-
