باپ کے ساتھ ذاتی دشمنی پرشخص نے تین بچوں کو کار تلے کچل دیا

بھارت میں دشمنی کی آڑ میں شخص نے تین بچوں کو اپنی گاڑی تلے روند ڈالا جس دوران تینوں بچے شدید زخمی ہوگئے۔

باغی ٹی وی : بھارتی میڈیا کے مطابق یہ واقعہ بھارتی ریاست اترپردیش کے شہر لکھنؤ کے ملیح آباد علاقے میں پیش آیا ایف آئی آر کے مطابق، وریندر عرف سیتارام سندھاروا گاؤں کے قاضی کھیڑا میں رہتا ہے فرسٹ انفارمیشن رپورٹ میں مزید کہا گیا ہے کہ ایک گاڑی کے ڈرائیور نے باپ سے ذاتی دشمنی پر اس کے بچوں کو گاڑی سےروندنے کی کوشش کی جس کی ویڈیو سی سی ٹی وی کیمرے میں محفوظ ہوگئی۔

بچوں کے باپ وریندر عرف سیتارام نے ملزم گووندا کیخلاف ایف آئی آر درج کروائی ہے جس کے مطابق سیتارام کے 3 بچے جن میں شیوانی، سنیہا اور کرشنا گھر کے قریب مارکیٹ کیلئے جارہے تھے کہ جہاں ملزم گووندا نے ان پر گاڑی چڑھانے کی کوشش کی حادثے میں تینوں بچے شدید زخمی ہوئے ہیں جو اسپتال میں زیر علاج ہیں۔

برطانیہ نے آئندہ مالی سال 2024-25 کیلئے پاکستان کی مالی امداد تین گنا بڑھا دی

بھارتی میڈیا کے مطابق ایک اور ویڈیو بھی منظر عام پر آئی جس میں گووندا بچوں کو گاڑی سے ٹکر مارنے کے بعد بھاگ رہا ہے تاہم موقع پر موجود لوگوں نے گووندا کو پکڑ لیا پولیس نے گووندا کو حراست میں لے لیا ہے جبکہ ملزم کیخلاف مزید قانونی کارروائی کی جارہی ہے-

پولیس نے ملزم کو گرفتار کر لیا ہے ایک ٹویٹ میں لکھنؤ پولیس نے کہا کہ پولیس اسٹیشن ملیح آباد میں الزامات درج کر لیے گئے ہیں، ملزم کو گرفتار کرنے کے بعد پیشگی قانونی کارروائی کی جا رہی ہے۔

سعودی ولی عہد اور ترک صدر کے درمیان باضابطہ بات چیت،کئی دو طرفہ معاہدوں پر …